للح ــــزن سلطهــ

للحزن سلطة في قلوب المحبين
لا فارقوا من غير رجعه ( حبايب )
,
يطول عمر الضيق بالصدر ( ويبين
بالوجه ) شي ٍ من عطاء الوصل غايب
,
اتلمّح العبرات , وتصرّح العين
ويقول جرح الهجر : مانيب طايب
,
لي كم يوم وخاطري ماغدا زين
وجه السعه فيني من الضيق هايب
,
عيّشني الهجران حال المساكين
وياكيف يزهد بآخر العمر شـايـب
,
أهج من حزني .... بضحكي على وين ؟
وملح الفرح في بحر الاحزان ذايب !
,
ما من خروج يسار وإلا من يميـن
هبّـت عليّ اشجان عمري هبـايب
،
يردني عن موتتي وازع الدين
والا الحزن بالصبر ماهوب تايب
،
ياقلب لا تجزع من الصعب والشين
ظني بصبرك ما رجع يوم خايب
,
مأجور درّجها عسى ربك يعين
هذي هي الدنيا : متاع , ومصايب ..

,
مآرآق لي ’,
للشآعر : فيصل البآهلـي