قــّـرب جآي

[السلام عليــكم ورحمة الله وبركاته]

ياهلا والله___ ويالله حي رواد العـامه
وأحلا التحايا لمشرفينهــا <-- بدينا نتميلح

الشمــآل .. طالما كان مضرب للأمثال
فـ الشخص الهادي الطبع واللي باله وسيـــّع
يقاله.// قــلبه شمــالي

بمعنى ..إن سكان المنطقه الشماليه يتمتعون
بسعة صدر ../ كبيره / ونادره..عندك أكبر مثال
انا ../ سفل فيني ولا أقولك شي
<-- كمل لا أشوتك لسطح المكتب :
فـ أهل تلك المنطقه أهم شي عندهم الوناسه وسعة الصدر
وغير كذا نفوسهم سمحه, ويمتلكون من الجَمال الشئ الكثير
وايضا أكبر مثال .. شخصي الكريم :

مدن المنطقه الشماليه الرئيسيه هي :
[ عرعر - حفر الباطن - تبوك ]

انا راح أذكر عرعر بما انها اقرب لي من غيرها

[ ع ـر ع ـر]

تضم محافظتي [ رفحاء و طريف ]. تقع المدينة شمال شرقي المملكة على الحدود السعودية العراقية.
وتكثر الأوديه حيث يخترقها [وادي عرعر] من الجنوب إلى الشمال، ويلتقي [بوادي بدنه] في شمال شرقي المدينه.
سميت المدينة بهذا الإسم نظراً [لكثرة أشجار العرعر في الوادي، الذي تقع فيه]. وكانت من قبل تسمى(بدنه)،
نسبة إلى وادي بدنه، الذي يخترقها من الغرب إلى الشرق. وتسمى مدينة عرعر بـ(زهرة الشمال ) كإسم رمزي.
تبلغ مساحة المدينة [50 ألف كلم]، وتبعد عن الرياض [1100كلم] ويقدر عدد السكان نحو 500 ألف نسمه.
ومن الاحياء . حي المحمديه وحي الخالديه وحي المساعديه .والفيصليه ,والنسيم , والسكن
ومعظم سكّان عرعر من قبيلة عنزة [العمارات - الفدعان - السبــعه ..]
وهي تعتبر أكبر تجمع (معقل) لقبيلة عنزة بالعصر الحديث, اللي منهم عائلة ( ال سعود) و (ال خليفه) و (ال صباح) والكثير من العوائل

وتمتاز ايضا بوفرة المراعي وتعتبر مصدرا لـ[النعيــيمي] وأغلب المراعي الأخرى
ويقولون إن فيها كميات كبيره من خام الفوسفات,
وبالشمال عموما .. بوقت الربيع يكثر به [ الــفقــع ] ويازين التخييم هناك أرض شرحه ووسيعة وحلوه
نفس صفات أهلها .. وجوها "قـاري" <--ماخذها من كتاب الجغرافيا حق أخوي

.وجدت في عام 1968 م عثر على معالم مدينة على بعد 30كم عن مدينة عرعر,
وعثر على منحوتات قديمة دقيقة الصنع وعلى تماثيل لكائنات مائية كالسلحفاة والأسماك وغيرها.
كما عثر على ما يقارب 200 نقش بالكتابتين الصفوية والثمودية.
وهذي صوره من السلحفاة :

(كمل كمل الشرهه على اللي يسمعك

[ الفــرســانــ ]

بصراحه انا لايحضرني إلا ما اذكر إن فيه فرسان وشيوخ وشعــّـار من
نفس المدينه , لكن أبي أذكر بعض الفرسان الكبار المعروفين بالشمال عموما
وبضعهم كان بنجد وهاجر للشمال لكن ابي أذكر اللي اعرفهم والمصنفين
من أكبر وأشهر الفرسان والشيوخ وهم :

[محروت هــــــــــــذال]
..أخو بــتلا شيخ مشائخ عنزه
[حـــاكم المــهيــــد]
.. حاكم الصوبين ومهّجد فرنسا "طلع عنه برنامج "بفواصل"
[مقحم بن تركي المهيد ]
.. المصّوت بالعشــا.
[أورنــس الشعلان]
..وش أقول وش أخلي.أبو الشيــوخ .. كان مايذبح الا شيخ القبيله المعاديه
[وهنا الشيخ فواز الشعلان بجانبه الرحالة الألماني رشوان ]
[خليل بن حاكم ال مهيــد وحـــاشيته نشرت في الصحافــه ]
[ســـلمــان القعيشيــش أحد الشيـــوخ على أحد خيلــه]

[خلف الأذن الشعلان ]

[ الــتــَعـَـاليــِل ]
تعاليل : هذي الكلمه معناها عند أهل الشمال يعني سوالف تالي الليل.
.من قصص , اشعار ,رقصــات,العاب.
نجي للقصص :
يذكر إن فيه عائله تسكن بالشمال وعلى ما اضن عرعر او حولها
هي من السبعه من قبيلة عنزه.
طبعا على ايامهم وللحين اذا جاهم الضيف قدمو له كل
شي ثمين وهذي من ضمن العادات . الوكاد
زار تلك العائله ضيـف ,راحت المعزبه تجهز له القهوه
وبعد ماسلمت القهوه لرجالها راحت تطبخ لهم الغدا
ومثل ماهو معروف الغدا ينطبخ بـ[ـقدر كبير ]
<--

وهي تطبخ كان ولدها الصغير جالس جنبها وشوي
كذا الا الولد طبــّح [سقط] بالقدر .
والقدر به موية حاره والولد توه صغير وهي تحاول تطلعه
وياله وياله بس ربك ماكتب له عيشه وتوفى الولد بمكانه
إيــه
وقامت الأم ولفــّة الولد وحطته بجهه بحيث مايشوفه رجالها
وكملت طبخ غداها
وبعد ماتغدا الضيف وطلع من عندهم .
راحت لرجالها وعلمته بالسالفه كلها ..وهذا عشان ماتخلي رجالها
يتكدر مزاجه عند ضيفه وينغث الضيف
ماشاء الله عليها تصبرت وهدت من روعها وكفكفت دموعها عشان راحت
ضيفهم .

نجي للشــعر :

أنا وخلي فرقتنا المقاديــــــــــــــــر
وكم واحد بيديه يطرف إعيونـــ
.مشعان الهذال
أبدعها [مشعان بن هذال] شيخ مشائخ عنزه
قال هذه القصيده يتوجد على زوجته طرفه بنت شيخ قبيلة الساري من الفدعان من عنزة
وكان لها من الاخوة الشيخ الفارس مشعان بن قاعد و علي بن قاعد الملقب القصاب
يوم صار بينهم خلاف ويقال أن هذه القصيدة قالها مشعان وقت هجرة الفدعان إلى الشمال في حدود سنة 1220هـ

[ القــصيــدهـ ]

يالله يا منشي المزون المزابيـــــــر
ـــــــــــــــــــــــ ــــــــــــــــــ يارب نطلبك الفرج والمعونــــــــه
أنا وخلي فرقتنا المقاديــــــــــــــــر
ـــــــــــــــــــــــــ ـــــــــــــــــ وكم واحد بيديه يطرف إعيونــــه
من دونها حالوا عيال مساطيـــــــر
ـــــــــــــــــــــــــ ـــــــــــــــــ[علي ومشعان] يعرضون دونــــــه
من دونها اللي يكسرون الطوابيــر
ـــــــــــــــــــــــــ ـــــــــــــــــ وعزي لمن مثلي يصالي غبونــه
فوق اشقح يتلي السلف والمظاهير
ـــــــــــــــــــــــــ ـــــــــــــــــ يتبع قطيع مغتر مثل لونــــــــــــه
مناجعهم وادي الشملي وأبا القيـــر
ـــــــــــــــــــــــــ ـــــــــــــــــ أقفا مع الفدعان تطرخ اضعونــه
وان كان سلتوا يارجال المخاسيــــر
ـــــــــــــــــــــــــ ـــــــــــــــــ عن حالتي فالحال مني ترونـــــه
وجدي عليهم وجـد من طاح بالبيــر
ـــــــــــــــــــــــــ ـــــــــــــــــ خم الـرشا وحال ازرق الجم دونه
أو وجـد مـن صكوا عليه المشاهيــر
ـــــــــــــــــــــــــ ـــــــــــــــــ أزروا هـل الـردات لا يـظهرونـه
أو وجد راعي هجمـة ٍ بـه خواويـــر
ـــــــــــــــــــــــــ ـــــــــــــــــ مايقدرون أهل الطلب يرجعــونه
غدوبها اللي يكسرون الطوابيــــــــر
ـــــــــــــــــــــــــ ـــــــــــــــــ واقفا من اللوعة يصالي غبونـه
اهجل كما تهجل خلوج ٍ على ضيـــر
ـــــــــــــــــــــــــ ـــــــــــــــــ واندب وقلبي وهقــّنه ظنونـــــــه
على الهنوف اللي ثمانه مغاتيـــــــر
ـــــــــــــــــــــــــ ـــــــــــــــــ غـروٍ يـغـذي بـالشمطـري قرونه
ماوقفت بالسوق سواة العاطاطيــــر
ـــــــــــــــــــــــــ ـــــــــــــــــ ولا لمحت للي رضى بالمهونــه
ماكولها التمن على حنطة الديــــــر
ـــــــــــــــــــــــــ ـــــــــــــــــ وتمرة شثاثا لريش العين مونه
ومشروبها در البكار المباكيــــــــــر
ـــــــــــــــــــــــــ ـــــــــــــــــ تلقا الصبوح مبرد ٍ في صحونه
ملبوسها أفخر ما سدوه الحواضيــر
ـــــــــــــــــــــــــ ـــــــــــــــــ تلبس طربزون مخثع ردونـــــه
يا موقدين النار جوكم مساييــــــــــر
ـــــــــــــــــــــــــ ـــــــــــــــــ ناس دعتهم ناركم تشعمونــــــه
الله يـطـيب فالكـم يـا مناعـيــــــــــــر
ـــــــــــــــــــــــــ ـــــــــــــــــ بـسـلام احـلا مـن روايح مزونه
حطوا حطب حطوا على النار تكسيـر
ـــــــــــــــــــــــــ ـــــــــــــــــ الا سمي الترف لاتوقدونـــــــــه
أمس الضحى عندي بوسط المقاصير
ـــــــــــــــــــــــــ ـــــــــــــــــ والـيـوم عنـي مبعـدات ٍ ظعونـه
يالله ترد اللي تيسر على خيــــــــــــر
ـــــــــــــــــــــــــ ـــــــــــــــــ والقلب من فرقاه كثرت إشطونه

الرقصـًـات :

من تلك الرقصات [الدحــه] وهي الرقصه الرسميه وهي عباره
عن صف على شكل حرف "U" بينهم شاعر أو شاعرين ويتراددون بالأبيات طبعا يردون اللي صافين
يقولون [ هلا هلا بك ياهلا ولا حليفي ياولا ].
والشاعر أغلب مايوصف البنت اللي راح ترقص (تحوشي) بينهم والبنت ذي يجيبها راعي العزيمه
أو العرس وغالبا اللي يدحون يكونون محارمها .. بس اذا ماهنا محارم لها
يكون معها سيف ترقص به وأي واحد تسول له نفسه الرديئه بلمسها
تصنه فيها وتقطع يده وصارت قبل كثيير, والحين رجال يتقمص شخصية البنت ويرقص
ويسمونه ( حاشي) والفعل المضارع (يحوشي )

[ مقطع لرقصة الدحــه]ZIP/228mb

.مطلق النومسيـ
[ لو تصبرون علي يومين جبت لكم مقطع لي وانا أدح ]

نجي للألعاب:

تعرفون ..عــظيم ساري..؟
طيب .. الحواجي أو الأحجيات..؟

عــظيم ساري : وهي لعبتــُ قديمه جدا جدا يتميزون بها البدو
من ضمنهن أهل عرعر والباديه عموماَ.
تقام هذه العبة بالليل بعد العشاء ,يعني بعد مايخلصون العرب من الأكل
ياخذون لهم عظم أو ماشابه عصا أو ورع صغير
وينقز أكبرهم ويحذفه -طبعا- اللي يبون يجيبونه يناظرون للجهه الثانيه
ولا وش فايدت تدويره , المهم .. ينطله بمكان بعيد ويشتغلون الزقرت بالبحث عنه
طبعا بالوقت ذا تشتغل الرشوات والتشبيك يكثر فاللي مضبط اللي رمى العظم
يبي يلقاه
أنواع الفله والوناسه والتهضيــم بعد

الحواجي : جايــه من [الأحُجيــات] يعني قصه قصيره وزي كذا كلها علامات تعجب..
كانو أول يقولنها لسعنونين , يخوفونهم عشان ينامون أو عشان مايطلعون الظهر
ومن تلك الأحجيات [ حمارة القايله (الله يكرمكم) , السعـلـــوه ,الحصني والغراب

[ حمارة القايله ] كان وصفها كذا :
لها قرون كبيره وحاده وسريعه وشيينه وسوده وتلحق اللي مايطيع أبوه
واللي مايصلي .

[ السعلـــوه ]:تجي تالي الليل للي مايصلي العشاء والفجر وعيونها حمراااا ولها قرون
وضعيـــفه وطويـــــله وبرصا (بيــضا ).

[الحصني والغراب] :هذي كلها نذاله وضحك ماني ذاكرها لانها طويله شوي.

[الاكـَــلآتَـ الشَعبَيِــِـه]

<-- تال جدته وأمه ويقول عطوني المقادير والأسامي

الأكلات الشماليه وهي على النحو التالي :
[ المليــحيــّـه - الخميــعــا - الحــــرف - الثــريد ]

المليــحيــّـه : هذي دايم بالعزايم الكبيرهـ ومرات تصير فطور برمضان
ثقيلــه شوي ودسمه عباره عن رز .. ينحط في ( الصينيه ) .. الصحـن
ويوضوع على إطرافـة .. قطع من خـبز الصـاج الذي يصنع بالبيت
[ بس هالحين الله يخلي آبو هنود يسويه في محلات خبز الصاج ]
ويضاف عليه ( مرقة لبن ) علشان يكون شيى

الخميــعـا: وهي من أجمل الاكلات بالنسبه لي عشانها سهله ولاهي مكلفه
وهي عباره عن خبز صاج وشوية سمن وسكر وتقدر تضيف معها شاي
يقطع الخبز ويوضع في [ صحن أو اي شي ]وبعدين تصب فوقه السمن ومن ثم تصب فوقه
كم كوب شاي وبعدين كل لين تعض الأرض

الحـًــــرف : أو الملــَّـه أو القرص هذي غالبا تكون بالبر يعني نسويها بالبر وتحتاج
[ طحين وماء وسكر ] وتقوم بعجنه بماعون طبعا حنا طورنا فيها

الثريـــد : شبيهه بالمطازيز بس هي أحلى ويضيفون عليه لبن أو .// حليـب .

أتمنى
إنكم اخذتوا الفكره المطلوبه عن اهل الشمال
وعن المنطقه عموما ً.
وتعرفتوا على موقعها وفرسانها وأكلاتها والعابها الشعبيه
وبعض قصايدهم .

 

 

 

 

خالد الزبينه

اشكرك اخوي جزيل الشكر على هذا المجهود

الرائع والجميل والذي وضحت فيه الصوره الرائعه

اللتي يتمتع بها اهلنا في الشمال وعاداتهم الطيبه

وسعة صدوره وتكريمهم للضيف وفروسيتهم الجميله

ما عندهم من شعر وقصص تقبل مروري وودي وتقديري

 

 

 

 

شـكــ وبارك الله فيك ـــرا لك ... لك مني أجمل تحية . أخوي خيال القضاه

 

 

 

 

خالد

شاكر لك هذا الطرح

لك تحيتي وتقديري

 

 

 

 

خال الزبينه
الله يعطيك العافيه على النقله الحلوه الى عادات اهلنا
لك كل التقدير

 

 

 

 

خالد الزبينه..

شاكره لك كل الشكر لروعة طرحك
يعطيك الف عافيه اخوي
لك ودي واحترامي..