ألفية العوني

حبيت أنقل لاخواني الفيةشاعر نجد الكبير محمد بن عبدالله العوني...

.......................

ألف أولف من حلى ما يقزا *** بين الكياتب والصيارف يقزا

نظم نظمته منزمرد وياقوت *** وقاف بنيته من ضميري على الزا

والبا بنفسي شفت أنا العيبتوه *** عجزت أميز صاحبه من عدوه

الله يكافينا أشراره وسوه *** بين الحبايب والقرايب يخزا

والتا تتالن الليالي والأيام *** ننسى العمر عامين ثم نذكره عام

عمر يروح وكننا بغبة أحلام *** وناس بعرض الناس دايم تهزا

والثاالثعالب كيف صارت ذيابة *** والبوم يفرس عقب ذيك الخيابة

والعم عند العبد ما له مهابة *** هذا زمان عايفك لو تلزا

والجيم جنب هن ردى الطماعة *** صادق صديقلك ترى الشجاعة

ترى ردي الخال مابه بتاعه *** لاشك تركه في كل المعاني إتعزا

الحا حريب المرجلة قصر يمناك *** لا عاد لا فضل ولا تضهد أعداك

اصبرعلى الحقران حقك وما جاك *** وعزي لمن مثلك زمانه إيهزا

الخا خفيف النفس فيه الشجاعة *** ولا ثقيل النفس كله دناعة

نفس العزوم ليها الشجاعة بتاعة *** والنفس الدناعة ما يعزه امعزا

والدال دمع العين ياما غشاها *** ياما على خدينثر دمع ماها

على فراق اللي صخيف حشاها *** حبه يلقن بين الأضلاع رزا

والذال ذللني زماني وذليت *** من شاف مقرون الحجاجين ياليت

منهم يخبرأمورس الخد بالبيت *** يفرح به القلب الحزين المقزا

والراء زماني باشهبالجبخاني *** ياما جرالي من ضنين رماني

عزاه بالفرقا عشيري دهاني *** قلت آهواويلاه وعز عزا

والزاء زعجت الصوت من شد مابي *** عليك يالمجمول لاواعذابي

يابو نهود شولعن الثيابي *** حمر ثمرهن شالهن ثوب قزا

والسين سهرت الليل هي والقوايل *** وهليت دمع مثل وبل المخايل

والله ما يبرا ضميريغلايل *** إلا إن غدا نابي لنابه يلزا

والشين شهر شوال يوم قضت لي *** إن كان علام الخفا ما فرج لي

ياللي عيونه سود وخده سجلي *** والراس ذيل أشمرة جيت اتلزا

والصاد صد امورد الخد زوله *** يانور عيني يا خياله وزوله

أظن له تسع اسنين ولا تم حوله *** أظن له عشر سنين ولا امزا

والضا ضوى حبه بداخل ضلوعي *** عليه من العبرات هلت دموعي

حسبت أيام الشهر مع السبوعين *** والنوم لامن لاج بالجفن فزا

والطا طلبتك ياجزيل العطايا *** طالبك ياللي ما تخيب رجايا

تجيب سيد البيض عذب السجايا *** ما دام في عمري شباب وعزا

• والظا ظهرلي من عشيـري سـدوده***طاغـي بزينـه معجباتـه اجـعـوده

• بيـض الحمـام الراعبيـه انهـوده***مالهجهـن الطفـل الصغـيـر ومــزا

والعين عمهوج خليلي وباخص *** مالي محب خص شيء وما خص

كل العذارى من ورى الشوق مشخص *** غرو إلى استمر هوا الليل هزا

والغين غاية عيفتي لذة النوم *** من العام دمع العين يذرف إلى اليوم

على لطيف الروح ماني ب مليوم *** لا من طرالي راغ قلبي وفزا

الفاء فجعني نايح الورق بفراق *** وأنا عليك الحال والجسم عفاق

أنا نبا لوني وقنا به وبراق *** عمر طويل لولبه ما يرزا

القاف قفاضامري عن محله *** قصر حصين وغرسة مستظله

راعي ثليل فوق متنه يتله *** والقلب عن لاماه ماله ملزا

الكاف كبر امورس الخد زوله *** يانور عيني يا خياله وزوله

توه صغير ما بعد فتحوا له *** بين العشر والخمس ولا امزا

اللام لا ما عذب الأنياب جنه *** ابشر برضوان من الله وجنه

ياليت من سيد جيله مضنه *** من سلسبيل من اشافيه مزا

والميم مذيوب العسل ديث بشفاه *** والملح والبنور والنور بشقاه

ما نجتك ياللي دثت اشفاك باشفاه *** عفت ثمر روس النواهدبلزا

والنون نوى كان هو ما حصلي *** واودع علوم الذل عني تولي

أشكي لمنهو برى حالي وغلا *** اللي إلى قلبت العواتق تخزا

الها هواي اللي كما الورس خده *** أشقر عراه الورس كالطرس خده

هني من حط المخده لخده *** متنه ويقلب صاحبه فوق قزا

اليا يولمن واحد ماسطــــــــــا به***سيد العذارى رايمه واعذابه
بين الحواجر سيف هند سطابه ***قاف لويته في ضميري على الزا
واذا توجد اخطاء أعذروني
منقولة

 

 

 

 

متواضع..

شاكره لك كل الشكر لروعة طرحك
رائعه بكل المقااااااااااييس الفيه خيااااااااااليه
صح السان الشاعر محمد العوني
وانت راعي الطيب اول وتالي
لاعدمنا وجودك ودام ابداعك ياخوي
يعطيك ربف عافيه
لك ودي واحترااامي..

 

 

 

 

الأخت سحر الغرام
الرائع مرورك ومجاملتك
شكرا لك وتقبلي تحياتي وتقديري

 

 

 

 

متواضع
الفيه من اروع الالفيات تشكر كل الشكر
وعساك على القوه
تقبل مروري وتحياتي

 

 

 

 

الأخ محمد غازي
حياك الله ونورت الصفحة بوجودك
وتقبل شكري وتحياتي