يقول، من عدّا على راس عالــــي

يـقــول مـــن عـــدا عــلــى رأس عــالــي=
فــي راس مـرجــوم عـســيــر الـمـنــالــي=
فـي مـهـمـهـن قـفـرن مــن الـنــاس خـالــي=
قـعــدت فــي راســـه وحــيــدٍ لـحــالــي=
مـتــذكــرٍ فـــي مــرقــدي وش جــرالــي=
اخـــذت اعـــد ايـامــهــا والـلــيــالــي=
كــم فـرقــت مـابـيــن غــالــي وغــالــي=
يـامــا هـفــا بــه مـــن رجـــال مــدالــي=
ولا قـلـطـوهــن لـلـكـمــيــن الـمــوالــي=
ولا رددوا صــــم الــرمـــك لـلــتــوالــي=
مـن بـيـنـهــم سـمــر الـقـنــا والـسـلالــي=
يـقـطـعــك دنـيــا مـالــهــا اول وتــالــي=
الـمـسـتـريـح الـلـي مــن الـعـقــل خـالــي=
مـاهــو بـمـثـلــي مـشـكـلاتــة جــلالــي=
حـمـلـي ثـقـيــل وشـايـلــه بـاحـتـمـالــي=
وارسـي كـمــا تـرســي رواســي الـجـبـالــي=
يــا بـجــاد شـــب الــنــار وادن الــدلالــي=
ودقــه بـنـجــران يـاظــريــف الـعـيــالــي=
وزلــه لـيـامــنــه رقـــد كـــل ســالــي=
وصـبــه ومــده يــا كــريــم الـسـبــالــي=
فـنـجــال يـغــدي مـاتــصــور ابـبــالــي=
لا خــاب ظــنــي بـالـرفــيــق الـمــوالــي=
يــا عــل قـصــرٍ مــا يـجــي لــه ظـلالــي=
لا صــار مــا هـــو مــدهــل لـلـرجــالــي=
بـحـسـنـاك يـا مـنـشـي حـقـوق الـخـيـالــي=
تـجـعــل مــقــره دارس الـعــهــد بــالــي=
الـبــوم فـــي تــالــي هــدامــه ايــلالــي=
مــتــى تــربّــع دارنــــا والـمــفــالــي=
نـشــوف فـيـهــا الـديــدحــان مـتــوالــي=
ويـنـثــر عـلــى الـبـيــدا ســوات الـزوالــي=
وتـكـبــر دفــوف مـعـبـســات الـشـمـالــي=

 

 

 

 

نقل أكثر من رائع أخوي المسافر// للشاعر المبدع رحمة الله عليه الامير محمد الأحمد السديري
القصيده كلها رائعه وعجزت ماذا أقتبس منها .

لك تحيتي وتقديري

 

 

 

 

روووووعه اخوي المسافر الله يعطييييك الف عافيه
ولا تحرمنا من نقلك الاكثر من رائع الله يوفقك

 

 

 

 

لف شكر لـ تواجكم هنا في هذا المتصفح المتواضع

دمتم بو

 

 

 

 

الف شكر لك اخوي على النقل المميز

لكن القصيده ناقصه واجد ناقصه الشطر الثاني من كل بيت

مثال

لا خاب ضني بالرفيق الموالي .... مالي مشاريه" على نايد الناس


ومشكور اخوي وماقصرت

يسعدك ربي دنيا واخره

 

 

 

 

يقول، من عدّا على راس عالــــي
.......... رجمٍ طويل يدهله كل قرنــــاس
في راس مرجومٍ عسير المنالـــي
........ تلعبْ به الأرياح مع كل نسْنــاس
في مهمهٍ قفرٍ من النّاس خالــــي
........يشْتاق له من حس بالقلب هوجـاس
قعدت في راسه وحيدٍ لحـالــــي
..........براس الطويل ملابقه تقل حــراس
متذكرٍ في مرقبي وش غدالــــي
...........وصفّقْت بالكفين ياسٍ على يــاس
أخذت أعدّ أيامها والليالـــــــي
............دنيا تقلّب ماعرفنـا لها قيــــاس
كم فرّقت مابين غالي وغالـــــي
..........لو شفت منها ربح ترجع للافــلاس
يقطعك دنيا ماله أول وتالــــــي
.........لوأضحكت! للغبن تقرع بالأجــراس
المستريح اللي من العقل خالــــي
.........ماهو بلجات الهواجيس غطّـــاس
ماهو بمثلي مشكلاته جـــلا لــي
......... أزريت أسجّلهن بحبرٍ وقرطـــاس
حملي ثقيل وشايله باحتمـالــــي
...........واصبرعلى مر الليالي والأتعــاس
وارسي كما ترسي رواسي الجبالــي
............ ولايشتكي ضلعٍ عليه القــدم داس
يابجاد شب النّار وادن الدلالــــي
............ واحمس لنا يابجاد مايقعد الــراس
ودقّه بنجرٍ ياظريف العيالــــــي
............. يجذب لنا ربعٍ على أكوار جــلاس
وزلّه إلى منّه رقد كل سالـــــي
.............. وخلّه يفوح وقنّن الهيل بقيـــاس
وصبّه ومدّه ياكريم السبالـــــي
............. يبعد همومي يوم اشمّـه بالانفـاس
فنجال يغدي ماتصور ببالــــــي
............ وروابع تضرب بها أخْماس وأسداس
لاخاب ظني بالرفيق الموالـــــي
............ مالي مشاريهٍ على نـايد النــــــــاس
لعل قصرٍ مايجيله ظـلالــــــي
.............. ينهد من عالي مبانيه للســــاس
لاصار ماهو مدهلٍ للرجالــــــي
............... وملجا لمن هو يشكي الضيم والياس
بحسناك يامنشي حقوق الخيـالــي
............... ياخالق أجناس ويامفني أجنـــاس
تجعل مقره دارس العهد بــالـــي
................صحْصاح دوٍ دارسٍ مابه اونــاس
البوم في تالي هدامه يلالــــــي
................ جزاك ياقصر الخنا وكر الأدنــاس
متى تربّع دارنا والمفالـــــــي
...............وتخضرّ فياضٍ عقب ماهيب يبّـاس
نشوف فيها الدّيدَحان متـوالــــي
............... مثل الرعاف بخصر مدقوق الألعـاس
ونمشي على البيدا سوات الزوالــي
................ يشرق حماره شرقة الصبغ بالكـاس
وتكبر دفوف معبّسـات الشمالـــي
...............ويبني عليهن الشحم مثل الأطعـاس

تقبلو تحياتي


هذي هي اخوي ولا اشوفها ناقصه

وهالحين ما اشوفها في مكانها وينها ؟

في تعديل بواسطه بدر الشمال

 

 

 

 

ما عليش اخوي المسافر حقك علي بس لاتزعل

بس انا شفتها ناقصه وحبيت انبهك

بالله لاتزعل


يسعدك ربي دنيا واخره

 

 

 

 

بالعكس اخوي اتمنى من كل واحد يلقى اي ملاحظه

يقولها وان اطلبك طلب خاص انك اي ملاحظه تشوفها

تقولها لانك بالشكل هذا تقدم لي خدمة واتعلم منها

ولما ارد عليك انا ما اقصد اني زعلان او شي من هالقبيل

بالعكس عشان ااكد وجهة نظري او تثبت لي اللي تشوفه يعني عشان الواحد يكون على بينه

لك شكر خاص مني تقبل تعليقي .

دمت بود