سآمريآآآت

ياللي ترد الجمايل...فهيم وأصلك من عرب
تكفى تشد الرحايل...ياللي من أشرف العرب
ولو حال دونه هوايل...الروح والله لنحببره
من بد كل القبايل ... ماأختار غيره ياعرب
اللي يقظ الجدايل ...سبحان ربن صوره
اللي سكن وسط حايل ...كمله ربي ياعرب
وأن مالفاني رسايل ...الموت ابرك ياعرب
======================
الذيب يايمه عوى يابعد حيي
أصبحت أجاوبها لوى لعن ابو حيه
مدري من الجوع التوى يابعد حيي
ولا تذكر له خوي لعن ابو حيه
وش حيلت القلب أنشوا يابعد حيي
فرقاه تشويني شوي لعن ابو حيه
والقلب يصفق بالهوى يابعد حيي
وانا بحبه ملتوي لعن ابو حيه
ياليت يوم انه قوى يابعد حيي
تذكر اللي ماقوى لعن ابو حيه
دليت أجاوبها لوى يابعد حيي
ذيبن تذكر له خوي لعن ابو حيه
======================
أمانه معاكم ياهل السوبر اللونين
أمانه معاكم لاتعدونه الميه
غزالن نطحني من على كبري البحرين
على بابه الخلفي يناظر بحنيه
غمز لي بعينه ثم أشر كحيل العين
على السيد الأخر متجه للسعوديه
جمال الطبيعه جل من صوره ياحسين
جمال الطبيعه في فتات السعودية
======================
صاحبي ياغض الأنهادي..
أرحم اللي صاغ لك فنه .
أنتي عيدي وانتي ميلادي..
وانتي فرضي وانتي لي سنه.
وش تبي بالعود والكادي..
خلها له في ضيا سنه .
قبلت الله فيك تزداني..
والعذارآ منك منجنه .
======================
عطوني الطار ياربعي عطوني ..
أبيها تولع الليله بليفه .
ابي ارزف يوم هيظتو شجوني ..
وذكرتوني البنت العفيفه .
ثمان سنين وهي تذرف عيوني ..
وحالي عقبها حالن كسيفه .
دخيل الله والبيت ارحموني ..
ولا تطرون هذيك العفيفه .
======================
يارسالة عزيزة ودي أقراها..
بس ياللأسف خانتني أعصابي.
صار لي مدتن وانا أتحراها..
من وليف عليه القلب منصابي.
هو كتبها وعنونها وقراها..
وأنتظرها شهر مارد له نابي.
وأعتبرني مقصر يوم وداها..
مادرى اني حرقت الخط من مابي.
إن قريته عيوني نثرت ماها..
قالت الخط مرسولن من أحبابي.
خلها تمشي الدنيا بمجراها..
لايجي جرح ينقض جرح ماطابي.
======================
نادو لي المحبوب ملهوف الحشا..
نادوه باسمه وقولو يارشا .
انا قتيل الهوى ياأهل الهوى..
والله بالناس يفعل مايشاء .
الله يخليك يا الدم الخفيف..
لاجيت لاجيت لابس لك رهيف .
اللي يرونك قالو يا لطيف..
عليك يا قبلت الله ليا مشى .
قلبي على كامل الزين انجرح..
من عام الأول وجرحي مابرى.
لامن ذكرته حلت الفرح ..
هلت دموعي وجوي شوشا .

 

 

 

 

عديم العديمي

الف شكر لك على هذا الطرح الرائع

والمحبب الى القلوووب

دمت ودام عزك

لك تحيتي وتقديري

 

 

 

 

الله يعافيك


مشكور ع مرورك الرائع

 

 

 

 

الله عليك يسيدي ...

روعه .. يالعديمي ...

ومافي شي جديد مميز كالعادة ...

 

 

 

 

الله يعطيك العافيه ع مرورك يآبو لافي

 

 

 

 

يارسالة عزيزة ودي أقراها..
بس ياللأسف خانتني أعصابي.
صار لي مدتن وانا أتحراها..

رووعة ماتقدمه يا عديم وتسلم على الطرح

 

 

 

 

.:,~عديم القديمي~,:.

]:.دوماً متميز في طرحك لمواضيعك .. منها الهادف .. ومنها الممتع ..~!

]:.تحياتي لكـ .. تقبل مروري ..×

×:.,متعب الغبين :.

 

 

 

 

الله يعافيكم


شاكرلكم مروركم الرائع

 

 

 

 

عديم العديمي

اسعدني ما وجدته هنا من ابداع

دمت بعافيه

 

 

 

 

الله مآر يعافيك


شاكرلك مرورك