الإهداءات


العودة   (شبكة ومنتديات الشميلات الرسمية) >

®§][©][ المنتدى الثقافي والأدبــــي][©][§®

> واحة همس القوافى > ديـــوان سعــود معزي العواجي

إضافة رد
 
أدوات الموضوع انواع عرض الموضوع
قديم 06-09-2017, 03:36 PM   #1
معلومات العضو
 
الصورة الرمزية بدر الشمال
 
إحصائية العضو









:

بدر الشمال غير متواجد حالياً
اخر مواضيعي

معلومات العضو


دولتي
الجنس
هوايتي
إحصائية الترشيح

عدد النقاط : 14
بدر الشمال is on a distinguished road

افتراضي مجاراة قوية

الطيب صعب ومعتلي قمة الراس
ولا يقدره منهو اعزومه رديه

الطيب يبقى للرجاجيل نبراس
والا العفون اعفون بالمقدريه

الحمدالله يوم الامجاد تنقاس
ونقدر عليها بين ذيه وذيه

سعود بن معزي العنزي
⭕⭕⭕⭕⭕
مابين معلوق وقريحه وهوجاس
وخواطرن شرد .. وحنايا عصيه

هيضتني (ياسعود)ياطيب الساس
ببيوت شعرن .. كنها الشاذليه

الطيب لو تقدر عليه اكثر الناس
ماكان ضعنا بين (حر) و (حديه)

محمد الفرحان
⭕⭕⭕⭕⭕⭕⭕
لا لاح برقا الحيا جاك عساس
والطيب وهبه من جزيل العطيه

لوهي كذا محدا"تردى من الناس
لاشك صعبه والمراجل عصيه

والجود بحره بالمراجل ماينقاس
دونه تبي تتعب عضود المطيه

كاتب خلف ابن عريفج اليمني
⭕⭕⭕⭕⭕⭕⭕
وش قال عود ادباس ويوصي ادباس
وصيةٍ لو مات طاريه حيه

الطيب بحرٍ ماسبحه كل غطاس
ولا كل من غاصه جمع من حليه

ولا كل من يغزي على قب الافراس
رجع من الغزوه يدينه مليه

ضيف الله صالح الضوي
⭕⭕⭕⭕⭕⭕⭕
الطيب للطيب مثل كيف للراس
لو مايقدم طيب جاه جهديه

من زود طيبه راح للناس عساس
مايحتري المحتاج روحه نديه

ناصر سعود الزير الحسني
⭕⭕⭕⭕⭕⭕
الطيب وهبه له تفاوت مع الناس
كلن على حجمه يشرع مديه

احدن مثل حرن ليا هد قرناس
جاب العشا بالصبح ولاعشيه

واحدن على ماقيل مافيه نوماس
لا ضر عدوانه ولا فاد خيه

صنت الغضوري
⭕⭕⭕⭕⭕⭕⭕
الطيب وهبه بالرجاجيل وحساس
فطره من الخلاق رب البريه

والطيب له عرف وموازين وقياس
عقل وكرم ودراك مع غايريه

ولا الردى دايم مرده للفلاس
مثل الصلاه اللي على غير نيه

ضويحي بن هذلاء الخمشي
⭕⭕⭕⭕⭕⭕⭕
(ياسعود)مايضرب على الطيب بقياس
الطيب ماينعد حيه ونيه

الطيب ماهو حكر مقسم على الناس
والطيب مابين العرب باالسويه

طيبا يعدل راس وطيبا على الراس
طيبا يجي باالليل وطيب ضحويه

طيبا ملي فنجال وطيبا ملي طاس
طيبا من الذرعان وطيب القويه

طيبا يجي هلون وطيبا على حساس
الطيب ياطيبه ولافيه زيه

نهير الدهمشي
⭕⭕⭕⭕⭕⭕⭕
الطيب اللي فزعته ترفع الرأس
اللي تربى باللسخا والحميه

تلقاه عندك يوم الاشفاه يباس
تشهد بفعل الطيب كل السميه

والالردي ماجرب الطيب عساس
هذا تسمي طيبته. مو سميه

خالد الركعان
⭕⭕⭕⭕⭕⭕
(ياسعود) وانت انسان شاعر وحساس
خل المراعي تتسع بالرعيه

عيش الامل ياصاحبي وابعد الياس
مالك ومال الخلق حيه ونيه

لولا طموح( كليب) ماخان (جساس)
ولولا الفتن ماصارت العنصريه

حمود النايف الغضوري
⭕⭕⭕⭕⭕⭕

 

 

 

 


 لا الله الا انت سبحانك انى كنت من الظالمين

اذا اعجبك تفكيري...وتخطيطي وتدبيري....
تمهل...فماشاهدته نسمات!!....ولم تشهد اعاصيري
دع عنك احباطي...وتحقيري!!....فانا معدني الماس!!
ولا تحلم بتكسيري!!.والى العشاق والاصحاب.اقدم كل تقديري..
واصنع من خدود الورد...كتاباتي وتعبيري....
واهديها لكم بوحا...يلخص كل تفكيري
لســت الأفــضل ولــكن لي أســـلوبي •• سأظل
دائما اتقبل رأي الناقد و الحاسد •
• فالأول يصحح مساري والثاني يزيد من اصراري .

بدر الشمال غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:15 PM.



Powered by vBulletin
Copyright ©2000 - 2024, Jelsoft Enterprises Ltd
جميع الحقوق محفوظة لشبكة ومنتديـــات الشميـــلات الرسمية
vEhdaa 1.1 by rKo ©2009
استضافة حياة