في خاطري كلمة ويمكن تبكيك

وشلون ما أحبك ولا عدت مغليك
............... وانت الدوا لـ انسان دونك يعاني





و وشلون رحت وكل صوتي يناديك
............... ياهيه اسمعني ترى العمرفاني




ماقلت لك من قبل ماني مخليك
............... ياكيف تنساني وقلبك نساني؟




كتبت لك في صدر الايام ... ابغيك
............... وكتبت لي :.. خلاص غيرك خذاني




حتى جدار الصمت لو التفت فيك
............... بكيت من صمته .. وضيق الثواني




عشقت كل لحظات عمرك وماضيك
............... ومعك : عرفت ان الأماني .. أماني




وسويت لك في داخلي شي يرضيك
............... وان كان مايرضيك ؟؟ ... سويت ثاني



نزعت فرحت خاطري .. ليت تكفيك ؟
............... وزرعتها في داخلك.... ماكفاني




ضحكت لك وآنا من الحزن أسليك
............... وحبست دمعي لجل أقدم حناني




وصديت وقت الضيق .. مابيك مابيك
............... تشوفني أضحك .. وأنا اللي أعاني




يا هالزمن تكفى - طلبتك - وأرجيك
............... لاتبخل ب وصل الحبيب الأ ناني




قد قلت له : مقدر أفارق و أحاتيك
............... وقد قلت له : هـ البعد ياما كواني




لكن حسافه كل صوتن يطريك
............... ياما معا نفسي ذكرتك .... أغاني




بايديك كل اللي حصل اييه بايديك
............... بديت احسك شي ... خارج زماني




ودامك زرعت انسان غيري بأراضيك
............... فأنا ماحب يكون غيري ..... مكاني




بتغيب ؟غيب ولكن اسمع محاكيك
............... قبل السفن تنوي بهجر المواني




في خاطري كلمة ويمكن تبكيك
............... ابيك تسمعها / . دقايق عشاني




لو الزمن يعطيك ماهوب معطيك
............. شخص يحطك بين عوج المحاني !!


مماراق لي

 

 

 

 

لو الزمن يعطيك ماهوب معطيك
............. شخص يحطك بين عوج المحاني !!

متواضع سلمت يداك على هذا الطرح قصيده رائعه

لك تحيتي وتقديري

 

 

 

 

الأخ بدر الشمال
شاكرلك ومقدر ردودك
وتقبل تحياتي وتقديري

 

 

 

 

متواضع..

شاكره لك كل الشكر لروعة طرحك وجماله
قصيده رااائعه وجمييييله جداً
يعطيك ربي الف عافيه
لك ودي واحترامي..

 

 

 

 

الأخت سحر الغرام
شكرلك تواجدك الرائع
وتقبلي تحياتي وتقديري

 

 

 

 

وشلون ما أحبك ولا عدت مغليك
............... وانت الدوا لـ انسان دونك يعاني

يكفي شذى الورد هذا البيت


كل الشكر لك اخي متواضع

ابياات قمة في الروعه

تقبل مروري

 

 

 

 

الأخت شذى الورد


شاكرلك ومقدر تواجدك الرائع
وتقبلي تحياتي وتقديري