الشاعر خلف المشعان رجل تعزهـ قبل ماتلتقي فيييه

رجل تعزهـ قبل ماتلتقي فيييه

ياكثرهم لا قلت لك عرفة وجيه
وياقلهم لا قلت قـدر ومعـزه

رجلٍ تعزه بعد ماتلتقـي فيـه
ورجلٍ قبل ماتلتقي بـه تعـزه

ورجلٍ ترزه بالمجالـس مباديـه
ورجلٍ فلوسه بالمجالـس تـرزه

ورجلٍ يموت ولا يجيبون طاريـه
ورجل ٍ يجي طاريه في كل حزه

ورجلٍ يهزه بعض موقف ويشقيه
ورجلٍ مهوب أيّات موقف يهـزه

ورجلٍ ضعيف ويستفزه معاديه
ورجلٍ كلام اعـداه مايستفـزه

ورجلٍ تلزه يعترف لك بخافيه
ورجلٍ على خافيه .. محدٍ يلـزه

ورجلٍ يوزونه ويزعل بني خيـه
ورجلٍ يزعّل من يحاول ، يـوزه

ورجلٍ تكزه لا زم انك توصيه
ورجلٍ بليّا ما توصيـه كـزه

من لا فرش للمرجله ماتغطيـه
ومن لايخز الناس محدٍ يخـزه

ان كنت تعرفني فهي عرفة وجيه
مو شرط لك بالقلب قدر ومعـزه

 

 

 

 

راعي الشعلا

مشكور اخوي على هالقصيده الجميله تقبل مروري وودّي وتقديري

 

 

 

 

راعي الشعلا..

شاكره لك كل الشكر لطرحك
تسلم انااااااااملك على النقل الرائع
يعطيك العافيه اخوي
لك ودي واحترامي..