مدونتي...أُنثى بِهَـآ كُلّ { الفصُوُل ...

عيدك مبارك قبل تبرد عطوري
قبل الكحل يزهى بجفني وعيني
عيدك مبارك صغتها في سطوري
مثل الحلم يصحى بباقي سنيني
عيدك مبارك يا سحابة شعوري
شوفك مطر يندى براحة يديني
عيدك مبارك والعذر عن قصوري
وصلك بحر موجه يغنّي خذيني
عيدك مبارك ريحها من بخوري
عطر الوفا يعبق ويحضن ظنيني
عيدك مبارك شوق يجبر كسوري
بلسم فرح يمناه تمسح جبيني
عيدك مبارك يا ملامح حبوري
يالعيد شوفك والأمل ما يبيني
عيدك مبارك والعبير بزهوري
ينثر مواسم فرح بينك وبيني
عيدك مبارك ما بقى من جسوري
غير التهاني والجفا محتويني

كَلّ عَـآإمْ وَ آنْتُـمّ بَخَيّـرْـرْ ...~