شارك ببيت شعري يبدأ بالحرف الأخير

هلت دموعي وانسكـب بعدهـا دم 000 ودمي علا قلبـي وقلبـي هواهـا
وحتى الهوا بين الحنايـا تحشـرم 000 وصار الهوا كِيرٍ على جلْ ماهـا
وحتى السما غطى على نورها الهم 000 والليل يبكيه القمـر فـي غلاهـا
واظلم بعيني كـل فضاهـا وتيتـم 000 حتى المجرّهْ مـا تسـاوي ثَراهـا
يتيمهْ بقلبـي علـى حُبّهـا جـمْ 000 حب الحنان اللي منَحْنـي حَلاهـا
ياطيرْ قرّبْ بارسلكْ منبـع اليـمْ 000 يم الحبيب وقلبـي اليـومِ جاهـا
يانوم وخّـر مانـي اليـوم مهتـم 000 ما ابيك جنبي ولا ابـي الا لقاهـا
ياجوعْ اركدْ مالـك اليـوم مشتـم 000 إنـسَ الطعـام ولا تبـدّلْ قَراهـا
يا عين هلّي وانزفـي دمعكـي دم 000 وخلي جروحكْ تجرح اللي وراها
يا قلبْ انثرْ من ثَرى الشوق مُعدمْ 000 شوقٍ تولّـعْ بالضلـوعْ وصلاهـا
ياقلبْ إرحلْ لآخرْ الشوق مُغْـرَمْ 000 وخلّ الغرام يشيل شوقي بسماهـا
يا ليلِ لا تبعدْ ترى حالتـي غـمّ 000 وهمي علاه احساس سطّر جباهـا


حرف الالف