دية محمدالكفش الفدعاني العنزي

مبداي بااللي عالم السر والغيب
علام باالنيات وش يكتمني

جلا جلاله دون شكن ولا ريب
الواحد الرزاق من دون مني

من بعد ذكره اكتب الكاف ترتيب
اكتب جزيل الشعر من نضم فني

وردن بنات الفكر عذب المشاريب
ندهتهن باالصوت ثمن لفني

جني هجيج وصايلاتن مساريب
وابديت خط القاف يوم حضرني

ارقا بهن سنود روس المراقيب
اسوقهن باالكيف ماخالفني

قيفان شعري عطيبات المضاريب
انسج حروف القاف من صقر سني

ماهو تفاخر باالشعر ياالصاحيب
ولا اقول انا بيطار ولا يعني اني

لاكن ابا انخي مفتلين الا شانيب
ويلان يوم افعالهم يشهدني

يااللي لكم تقدير بين الاجانيب
تاريخ شامخ من سنينن مضني

جودو على اللي ذاق حر اللواهيب
عيون البناخي يمكم يرقبني

ثم شوفو امه من القهر شقت الجيب
يمضي عليها الليل طوله تحني

تكفون ياالويلان يااهل المواجيب
السالفة معاد فيها تأني

اما نكون اليوم فوق المراقيب
الموت استر من حياة التدني

ابو خالد الفدعاني