ديوان الشاعر طلال الرشيد رحمه الله

بــاريــس




واحد خايب .. حظه تعيس
سافر تقسيط لباريس
كذّب على ام العيال
رايح ادور عمّال
جمع الورث
حصاد الحرث
وقبل يسافر ياساده
سجّل في نادي كالعاده
يسوي برنامج تخسيس

***

قام يدور شنطة تكفي
وكل هدومه قبل يصفي
عشرة فنايل علّاقي
وشورت وشراب ماقيس
قالت ام عياله تكفى
خذ لبس شوي يدفّي
قال فـ باله يامسكينه
والله قدامي اللي يدفّي
قام يودعها وقالت له
خذ بالك يانور عيوني
وتعوّذ دوم من ابليس
قال فـ باله يامسكينه
وانا من عازمنـــي غيره
ناطرني ابليس فباريس



::