من اختيارات بدر الشمال

قصيدة ماتجين

ماتجين..؟
يشغلني غيابج والفراك العايشه اسنين
ويشغلني الصبر جي كابرت مجبور
ويوجعني الحلم لو مر عليّ مرتين
وأنه اشجم مره امرن بيج حلمان
حطمت الشبابيج الجبيره وشرعت بيبان
وكسّرت المرايه الغافيه بنسيان
مديت ايدي وشككت تقويم
بيه اول يوم ثبتنه محبتنه عشك
وماتجين؟؟
هي الكاع مر بيهه العطش مرات
ومن مطرت الدنيه اول ماغسل وجه النهار
وانتي اشما روت كاعج اتراب دربج تمحلين
وجربت مره امتحان .. امتحن بيج الحقيقه
الليل طول والسهر شك العيون
طلسم اغيابج واللقاء البيج شك
وحسبه تاخذني واحسن بيج خوف
وتشتد ابالي الظنون
وجربت اقره كف الحالي غبشه
أولاً: خاف تشمت عواذل
ثانياً: بلكي حال ايجيب حال وتعتنين
وماتجين....
ماتجين..
ج / تقرأ : ك مثلاً غيابج : غيابك
جي / لأن
أشجم / كم مرة
بيج / بكِ
شككت / مزقت
عشك / عشق
تمحلين / الجفاف
شك / شق