مدونتي,عالم من اختياري

إلا انت سولف لي عن أحوالك وخل عنك القصيد
يعني وش اللي فـي غيابـك راح أقولـه وأكتبـه ؟



شعري .. على حطة يدك !! في غيبتك ما من جديد
البيت من قبـل اكتبـهـ .. أفكـر إنـي أشطبـهـ !!!



دامـك تعـرف إن الشعـر لا يقنعـك ولا يفـيـد
إستوعب حضوري ! وهـو انسـآآهـ لا تستوعبـه !



ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجـبـه



ما أبيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك إسكبـه !



ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عـرفـت ترتـبـه !!



هـي كلهـا هالساعتيـن وعقبهـا ببقـى وحـيـد
لا تشح بشعورك علـيّ ولا اتمـادى !! وانتبـه :



لا شفتني سجيت ( عنكـ / فيكـ ) جوّدني من ( إيـد
قلبـي ) ووصلنـي لقلبـك برضـاهـ أو إغصـبـه



هذهـ سنه ! إن ما سكنت القلب ! مسكنك الوريـد !
ونفس السنه مرت ! وحقي فيـك ضايـع وأطلبـه



يـا آدمـي مـدام نظراتـك باحاسيسـي تشيـد
لا تترك ( اسألتيــ ) تموت ولا لقت بك ( أجوبـهــ )



ليه أنت راضي بالعناد ؟ وبالرضى تصبـح عنيـد ؟
ليه أتساهـل بالجفـا ؟ ليـه الوصـل تستصعبـه ؟



وليه اتمنى الموت في بعـدك وأحـس إنـه بعيـد ؟
وليه أشعر إن الموت في لحظة وصولك ما أقربـه ؟



وليه أعتبر نفسي إذا ذبحني شوقـي لـك شهيـد ؟
ولا أنت حتى الشـوق لا ردك علـيّ تستغربـه !!



جاوب وريحني !! أو إنسى كل شي .. ولا تعيـد :
سؤالك عن شعر ٍ شطبتـه مـن قبـل لا أكتبـه !!