من اختيارات بدر الشمال

سلام مني لِك عدد هل الامطار

تروي غلاتك من رفيق نصوحي

وهدي لك اشواقي تصل كل الاقطار

يا من بناله منزلا وسط روحي

آما بعد:لازلت على الهم صبار

والنفس ياخلي تصارع جروحي

يعز بعدك غير ذا فعل الاقدار

عزايه مجلس به رفيق مزوحي

لامن ذكرتك ينعش القلب الآوتار

ويلحن الذكرى بشوقٍ ينوحي

حبيبتي بالكون جاهل وشطار

وبالكون شوك وورد عطره يفوحي

حبيبتي تعبت من كثر الاسفار

مثل الغريق الي بيده يلوحي

آخذ قرار الغي قرار صرت محتار

من كثرة التفكير عقلي شحوحي

ضاقت علي الارض والجسم منها

صرخت يا ناس اتروكوني بروحي

حرام يا دنياي تصلين بالنار

خفوق ..من لجل السعادة لحوحي

من كثر مابي قلت يا معطي الاعمار

اما حياة العز ولا...تروحي

هذي حياتي يالحبيبة والاخبار

كتمت طول العمر سرٍ يبوحي

وفي النهاية :ماتكفيني الاشعار

احكي مدى ماهي تعانيه روحي