من اختيارات بدر الشمال

مركب حياتي يصارع موج الأحلامي

على ضفافك رسيت أطول لياليها

على الاورق دمع عانق دمع الأقلامي

هيج أحاسيس طول العمر ناسيها

فاكر عذابي وفاكر سالف أعوامي

محتار في النفس كيف الفكر شاقيها

طبول شوقي تحارب جرحي الدامي

خل عزيز نبيه وناس مابيها

يعصى زماني ويحداني وأنا الضامي

حتى الشفايف تبي قطرات ترويها

من فرحتي بك تجلى هم الأيامي

ولسان حالي يترجملك معانيها

ضاقت حياتي وشفت الموت قدامي

إذا تركت وصار البعد حاديها

هانت مسافات ماتحصيها الأرقامي

باقي القليل يابعد عمري وننهيها