مدونتي...أُنثى بِهَـآ كُلّ { الفصُوُل ...

تقول اللي خطف عيني أنا مدري هدب أو عود
أحس أني من اللي صابها ما شوف قدامي
همست وقلت: لا تخافي على بحر العيون السود
على شط الكحل مريت وهذا موضع أقدامي
أدوّر عن ذهب عمري بقايا كنزي المفقود
وأشوف الموج يطوي الموج ويبحر مركب أيامي
عيوني بسمة أعيونك ولو صارت مطر ورعود
أبشرب من ظما دمعك وابغسل جرحي الدامي
عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم وهم الدنيا قدامي