ياوقاحتك!
بعد العشره تتنكر وتنسى قلبي وش عطاك!
تصدق لو اقولك ماانصدمت!
وحنا سوا كنت حاسه انك تتسلى بي
واللي اكد لي هالشي بعدك وقسوتك وجفاك!
كنت احترق كل يوم من غيابك!
وانت هناك تستعيد امجادك في {اخفي غلاك}!
كنت تتعمد تألمني!
مدري وش كنت تبي تعلمني!
بين يوم وليله تغيرت !
اختفيت!
ويوم دورتك بـ غوغل!
بررت فعلتك انك كنت تختبرني!
خلاص
انا عرفت من تكون!
ومعاد يهمني تحبني تخلص لي او تخون!
يوم كنت احسب اني حبيبه
كنت اصدق كل حرف منك
لان ربي بلاني بعيب يسمونه { طِيبه}!
الحين جاي تعيب بي!
وتتهمني بالخيانه !
انتبه ترا ذنوبك كثار وكلامك فيني { غِيبه}
تبي تسدل الستار على فصول مسرحيتك!
بكل بساطه قول
انتهينا
لاتزوّر الحكي
ترا سكوتي عنك مو ضعف او خوف
هذا رزانه وعقل وشموخ و هِيبه^^
والا تدري
خليني اصير مهبوله مو كنت تسميني كذا
صحيح انهبلت!
تدري متى !!
يوم وثقت بك
وصدقت زيف حروفك
والحين خلاص قررت اعقل
روح فارق
ولا ابي اسمعك
او اشوفك
صحيح مدري انا رقم كم بحياتك!
بس افتخر اني ضفت لرصيد جروحك!
آلمتني ايه!
ووجعتني ايه!
ظلمتني ايه!
خنتني معها ؟
او خنتها معي!^^
كل هذا مومهم
ادري انو الغيره اعمتك!
شسوي مو بيدي
قدري كتب لي اعشق ترابك