لو سلمت من الغرق بموت في ظهر السفينه

يارفيف الماء وفجر العيد واحزان المواني

ياأكثر اهل الأرض طيبة قلب واسرار دفينه

المكان اللي هنا مليان ضحكات وأغاني

والكلام اللي بغيت اقول محتاج لسكينه

شوفي الركن البعيد هناك كنه صدر حاني

هذا هو اللي يليق بشاعر وبنت حزينه

إنسي الشارع وعتمات الزوايا والمباني

هاتي يدينك نلف الغيم ونشكّل مدينه

عندي الليلة كلام وصمت وأخاف الثواني

تظلمه او تظلم اللي فيه كم ضاعت سنينه

بس لازم تسمعين اللي ابي ولاّ تراني

لو بعيده لك نسيت ورحت اقول اللي تبينه

شي واحد قبل ما أبدأ ماابي أي شي ثاني

يخطر فبالك وانا اكشف لك شعور تجهلينه

ان أنا وبكل ماتحملة (احبك) من معاني

كنت وراح ابقى احبك لين مدري وش هو لينه

بس والله ماقدرت انسى ولا همي نساني

لاذكرت انسان فيه اسرار مابينك وبينه

كل ماتطري علي فكره هواك الأولاني

أشعر اني انطعن مليون مره من يدينه

أشعر ان عيونك الله ماخلقها إلا عشاني

كيف كانت تبتسم له قولي انك تخدعينه

صورة انه كان يمسح دمعك تزلزل كياني

وكيف كان يلم شعرك ويتبعثر في يمينه

حتى إسمك يوم رحت أدللـه حظي رماني

بنفس الاسم اللي يقول بذمتك ماهي غبينه

وكني اللي كل ماناديك بالإسم الفلاني

أطلب النسيان يترك منه شي تذكرينه

لاتظنين اني اناني لا انا مانيب اناني

لو سلمت من الغرق بموت في ظهر السفينه

ياإني ماكمل واعاني أو أكمل ثم أعاني

كل ماأسمع طاري اسمه او تجي عيني فـ عينه

أينا كان الضحية وأينا اللي كان جاني

مدري ولكن قراري لازم انك تقبلينه

مثل ما اكره فكره انه واحد ياخذ مكاني

ماقدر اجلس في مكان انسان كنتي تعشقينه

فـهـد مـساعــد

 

 

 

 

ابو فهد..

شاكره لك كل الشكر لطرحك الرائع اخوي
ابيات رااائعه وجميله جداً
يعطيك ربي الف عافيه اخوي
لك ودي واحترامي..

 

 

 

 

أينا كان الضحية وأينا اللي كان جاني

مدري ولكن قراري لازم انك تقبلينه

مثل ما اكره فكره انه واحد ياخذ مكاني

ماقدر اجلس في مكان انسان كنتي تعشقينه
الأخ أبو فهد
شكرالك لهذا النقل الرائع
وصح لسان شاعرها
أبيات معبرة
وتقبل مروري وتقديري