إذا المراجل لبسة شماغ وعقال

(( السلام عليكم ورحمه الله وبركاته))



إخوتي
توجد صور كثيرة مرفقة
مع القصيدة وحذفتها وأبقيت هذه الصورة
وأتمنى من كل أب ينظر إلى لباس وتصرفات ولده
إذا كانت قريبة من هذا الشكل
(أقول له الله يعوضك بإبنك تراك ماخلفت)









القصيدة

إذا المراجل لبسة شماغ وعقال
قل للعذارى يلبسنّ العمايم’’


ما عاد يفرق زول حرمه ورجال
دام الفعايل تشبه البعض دايم’’


المرجله ما هيب كلمه وتنقال
وتروح ما راحت هبوب النسايم’’


وإلا خشونة صوت أو رفع الأثقال
أو رزة صدور وفعل الزلايم’’


ولا هي بعد مفتاح موتر وجوال
وإلا ردى لسانن حديثه شتايم’


المرجله شيمه عن القيل والقال
رفيع نفس (ن) حر بالجو حايم’’


المرجله عقلٍ وزن وزنه جبال
ودون العقل وش فرقنا والبهايم’’


يا مسندي لو مايل الوقت بي مال
يا ولد أبويه يا عظيم العزايم’’


يا معرب الجدين من العم والخال
يا نخوة المفزوع وقت الهزايم’’


المرجله يا خوي هي طولة البال
هي العزم هي الصبر فالظلايم’’


فيها الكرم عزه و دله وفنجال
فيها الكرامه عن ردى الطبع شايم’’


والدين لامنه خذا القلب منزال
مشى طريق الحق وابليس نايم’’


ومن لا عرف ربه في طيب الحال
لابد وقت الضيق بالهم هايم’’


حتى صلاتك مع جماعات ورجال
في خيرها يا خوي نعم الغنايم’’


ولامن نصف ليلك قم صفي البال
يا عظم أجرك بين ساجد وقايم’’


ولا من رفع ربي له كل الأعمال
حسن الذكر لا قالوا فلان صايم’’


وخلك شريف القصد يا طيب الفال
سوء المقاصد فالبيوت الهدايم’’


واحذر تبيع النفس في دب الأنذال
وتتبع خوي إبليس راع النمايم’’


النفس خيل لك إذا كنت خيّال
ومن لا قوى نفسه قوته الهزايم’’


ولا صرت ما تدري لو يش أنت رجال
والله خسارة فيك ذبح التمايم’’

وســـــــــلامتكم‘‘ >> صح الســـاني اقصد الى قالها

 

 

 

 

ولا صرت ما تدري لو يش أنت رجال
والله خسارة فيك ذبح التمايم’’
متواضع
مشكور قصيدة طيبة
ويعطيك الف عافية

 

 

 

 

متواضع..

شاكره لك كل الشكر لروعة طرحك اخوي
واااصل هالابداع ماشاءالله
يعطيك ربي الف عافيه اخوي
لك ودي واحترامي..

 

 

 

 

قصيدة رائعة وذوق اللي اختارها أروع

قصيدة تضرب على الوتر الحساس لجيل فقد هويته

النفس خيـل لـك إذا كنـت خيـال.............ومن لاقوى نفسـه قوتـه الهزايـم
ولا صرت ماتدري لويش أنت رجال...........والله خسـارة فيـك ذبـح التمايـم

قصيده قويه جدا واروع شي فيها ان ختمتها جت

من ابدع ما يختم به مثل هالمعني

متواضع شاكر لك جميل الأختيار

لك تحيتي وتقديري

 

 

 

 

الأخ البدر
شاكرلك ومقدر مرورك الرائع
وتقبل تحياتي وإحترامي

 

 

 

 

الأخت سحر الغرام
شاكر ومقدر مرورك الطيب
وتقبلي تحياتي وتقديري

 

 

 

 

الأخ بدر الشمال
وجودك بهذه الصفحة زادها جمالا
شاكرلك روعة الرد
وتقبل تحياتي وتقديري

 

 

 

 

مشكووووووور متواااضع لهذا الطرح القيم والشيق

لا عدمنا هذا التوااجد "

عوااااافي "

 

 

 

 

الأخت شموخ
شاكرلك ومقدرتواجدك
وردك الجميل
وتقبلي تحياتي وتقديري