صوت وصدى

الشاعر عواد العلي
صوت وصدى

صوت :


ياابو فهد ياعزوتي آسف على طول الغياب
الحال خافي وانت تدريبه ولاهو في يدي
الشاهد الله ماعلى مثلي ملام ولاعتاب
ماني مبرر غلطتي لاصرت تفهم مقصدي
الصمت والكتمان للمبلي مثل ستر الثياب
اليا كسبنا الستر هانت كل بلوى يابعدي
ماني على خبرك ترى الكابتن بعد خبرك مصاب
واصابتي غظروف بالركبه وانا حظي ردي
خذ موجز الاحوال والتقرير من فحوى الخطاب
وانا اعرف سهيل اليماني مايغار من الجدي
اببتدي بالفهرسه من قبل مضمون الكتاب
وابفرض انك قلت وش بك عكس غيرك تبتدي
هذا السؤال اللي طرح نفسه ويبحث عن جواب
والله يصبرني على بلواي لاضاع جهدي
انا العليل اللي علاجه بين جنحان الغراب
واليا اقتربت يطير بالجنحان واخوك يعدي
ياصاحبي ياصاحبي وش هو علاج الاكتئاب
لاطاول الرجال تسع شهور واصبح سرمدي
واسباب ماجاني سهوم عيون لباس النقاب
الله يسامحها وانا باسبابها متعقدي
يافاتنه خوفي من الله لاتزيديني عذاب
وشلون عينك تسهر عيون العباد وترقدي
وش تبين اكثر من اللي شفت يامال الذ هاب
يالعنبو حي العدو روفي بحال الاجودي
يالله عسى اللي صابني تكفير في يوم الحساب
ياكبرها ياعبرها آسم ذلولي وتغدي
مليار نكبه ماضيه هذا وانا توي شباب
وقف رصيد امسي ويومي وقافيهن غدي
ياراويتنا المحترم وش هي شروط الانسحاب
ابنسحب من حبها وانظر لبنتي وولدي
ابشر ترى اللي نفس الكربه عن المسلم يثاب
يرفع يدينه بالدعا ويعيدها بالمسجدي
التوريه ياابو فهد في جو معنانا ضباب
لاصرت نجم (ن)بالسما حنا بنورك نهتدي
صدى :

انا حـسـبت الـجـرح الاول فيـك ياعـواد طـاب
عقب الهجوم اللي حدث لك من رموش المعتدي
ظنيت خصمك يابوصالح عن شرور الحرب تاب
وعن شن غـارات الـغـرام الشين واللـيل اسودي
شـفـتـه تـرك كل البيوت بـقـصـف نـيـرانـه خـراب
وصارت مثل بعض الـديار اللي شـمـال المشهدي
وظنيت ابوصالح نسى ركـضـه ورى زول السراب
او يـسـتـمـع تـاريـخ نــجــد الـلـي رواه الـمـرشـدي
واثريك طـايـح ياعشيري عـقـب طـعـنـات الحراب
وهـذا الـذي خــلاك عـنــي يـابـوصـالـح تـلــبـدي
شكيت شيبك للـذي قـبلـك من الـخـفـرات شاب
وقعدت من ضيم الغرام بـنـفـس صـيـغـة مقـعدي
لا تشتكـي جرح الـعـنـايـد قـبـل تـكـمـيـل النصاب
وترى البساط اللي فرشنا صار يالـقـرم احـمـدي
مـمـنـوع تـشـكـي قـبـل تـكـمـل عام ياسمح الجناب
وانـتـه سـهـيـر(ن)بـالـحـمـاد وفوق جـمـر المنـقدي
تـقـعـد لــحـالـك ماتـخـاف الـلـيــل والا زول داب
وترقب بـروق(ن)في ديار الـزيـن نـوره يـصـعدي
وترسل سلامك للـحـبـايـب كـلـمـا لاح الـشـهـاب
تـصير عـيـنـك مـع نـجـوم الـلـيـل مـثـل الـمـرصـدي
وتقضي نهارك في شبـوك العلب او ذيك الهضاب
يمكن جـحـيـمـك يابـوصـالـح بالـضـمـاير يسمدي
واصبر مدامك طعت نجوى في لحونه مع رباب
وتابع برامج شـيخـنا عـبدالعزيزالمسـندي
شكيت ناب لواحد(ن)يشكي وجع عـشـرين ناب
رقيت جلديه وهو قبلك براس اب عدي








عواد العلي

 

 

 

 

شاكر لك جميل النقل والأختيار
متواضع دائمآ مميز بالأختيار الرائع
لك تحيتي وتقديري

 

 

 

 

متواضع..
شاكره لك كل الشكر لروعة طرحك
اختيااار راائعه وجميل
وااصل ابدعاتك اخوي
يعطيك ربي الف عافيه
لك ودي واحترامي.

 

 

 

 

الأخ بدر الشمال
شاكرلك ومقدر مرورك الطيب
وتقبل تحياتي وتقديري

 

 

 

 

الأختسحر الغارم
شاكرلك ومقدر هذا المرور
والرد الرائع
وتقبلي تحياتي وتقديري