يارجل ياللي في غيابي تكلمت

يـارجـل يالـلـي فـــي غـيـابـي تكـلـمـت

علـمـك عـلـى بـالـي ورمـــزك فهـمـتـه

يـالـلـي بـحـجـه مستـحـيـلـه تـوهـمــت

حـوْلـت حـظـك وســط بـيــر وهـدمـتـه

سيـلـك تـدفـق مــن شـفـاك وتـخـرمـت

ليـتـك عــن الـلـي مااستـحـقـه ردمـتــه

وان كان هادف لك هـدف يـوم هاجمـت

الـعـقـل شـــوري والـتـزامـك بـصـمـتـه

وكـان الجهـل سيـطـر علـيـك وتقـدمـت

مـااظـن يثـبـت قـولـك الـلــي زعـمـتـه

وان ضعت مع طيش الطواري وهايمت

بـركــت لـلـحـق الـمـصـيـب وغـرمـتــه

غــــادي وخـيّـلــك خـيـالــك ورهــمــت

وسـمْ الحـنـش لــو تلحـسـه ماجغمـتـه

غروك ناس (ن) مـن نسمهـم تسممـت

والـلـي عـطـا الله لــو تـبـي ماحـرمـتـه

انـصـحـك والا مـاعـلـي لـــو تقـحـمـت

دام احـتـمـل زلـــت رفـيـقـي حـشـمـتـه

ونصيحتـي وجـهـة نـظـر ماتغيشـمـت

شبـحـي بعـيـد ومــن غــدا ماغشـمـتـه

شبـحـي بعـيـد ولااستـعـديـت نـظـمـت

والـشـوك لاجــا فــي طـريـقـي دقـمـتـه

والـيـا بغـيـت اهــدي هـديــه وقـسـمـت

مـااهـس بالمـيـزان قـسـم (ن) قسمـتـه

انـــا لـيـامـنـي بــالاوضــاع سـاهـمــت

اصــــور الــواقــع نــظــر لارسـمــتــه

مانـي غشـيـم امــن التـجـارب تعلـمـت

وان مـــال مـيــزان القـريـحـه حكـمـتـه

لاامعنت بااسلـوب المعانـي وخاصمـت

خصـمـي بـجـزلات المعـانـي خصـمـتـه

بـلـحـام سـكــرت الـمـلاحــم ولـحـمــت

وعــلــى مـنـافـيـذ الـمـلاحــم بـرمــتــه

لاسـقـت طــاروق القريـحـه وصـمـمـت

حـذفـي عـلـى الـلـي يستحـقـه رجمـتـه

وبعـض الكـلام اخيـر مـن رده الصمـت

وان جـا مـن الجـاهـل غـلـط ماجرمـتـه

عـن بعـض مانسمـع ويهـرج تشيـمـت

وسلـم الرجـال اهـل السـلـوم احترمـتـه

ولـو كــل مـاثـارت عجـاجـه تحيـزمـت

تـهـت الطـريـق وكــل عـايـر صـدمـتـه

مهمـا حصـل باسلـوب عقلـي تحكـمـت

وراي الـحـكـيـم الـمـعـتـدل مـالـطـمـتـه

لو كان بـه ناس(ن)توجـه لـي الشمـت

مـهـمــا يــقــال بـغـيـبـتـي مـاحـلـمـتـه

بـعــض الـكــلام الياسمـعـتـه تـلـطـمـت

وفيـض المجالـس ماازعجتنـي نغمـتـه

طبعـي علـى تـأديـب الاخــلاق داومــت

ومن ضـاع عـن درب السنـع مادعمتـه

لابس حرامي من شفا السيل واحرمـت

والـعـلــم بـالـقـلـب الـمـفـتْـح حـزمـتــه

وحـقـيـقـة الــواقــع بــهــا ماتـحـلـمـت

مـن مصـدر(ن) مـاثـوق ســر وكتمـتـه

ان شـافــهــا ولا نـصـيـتــه وسـلــمــت

وحــددت لــه مـرسـام حـــد ووسـمـتـه

ودلـيــتــه الــيــمْــه وبالله تـعـصــمــت

الا ان تـراجـع صاحـبـي عــن وهـمـتـه

ظـنـه ظنـيـن الـيـا قريـتـه وتـرجـمـت

بـالـحـق واسـنــاد الـوثـايــق هـزمـتــه

وان ضاق صـدره مـن كلامـي تبسمـت

وان مــد لــي كــف الـرضـى ماشتمـتـه

ماني سفيـه اليـا احتـرك عـود برعمـت

والـلــي مـجـنـب سـيـرتـي مـاعـزمـتـه

وان دار دولاب الهـواجـيـس وابـرمــت

معـنـاي عــن نـقـد الـعـوارف عصمـتـه

مابعـت فـي سـوق الظغايـن ولاسـمـت

ماخـطـي ومــن مـيْــل عـلـيْـه خـزمـتـه

ماافطر على تشويه الاوضـاع لاصمـت

وراس الصديع اليا اعترضنـي حجمتـه

وبسـلـوب لـزمـات الرياجـيـل لازمـــت

اسـيــر مـــع سـلــم الـرجــال ولـزمـتـه

والـيـاسـفـهـت الـتـافـهــه مـاتـنــدمــت

ومـاعــون خـــلاق المـشـاكـل خـدمـتـه

وانــا مـــع الـلــي يفتهـمـهـا تفـاهـمـت

ومـــن لاتـطــرق منـهـجـي مـازهـمـتـه

وان حـدنـي حــادي قـوامــه وقـاومــت

سبـحـت مــع مــوج البـحـر واقتحمـتـه

جـهــزت نـفـسـي لـلـعـبـور وتـولـمــت

عمـق البحـر لـو هـاج مـوجـه دحمـتـه

وجْهـتـهـا بـيـضـا صـريـحـه وحـكـمـت

احكـمـت مضـمـون الـجـواب ونضمـتـه

تــم الـجـواب الـلـي نظمـتـه وتـمـمـت

والـوصـل مــن راع الـبـريـد استلـمـتـه

وصدرتهـا باسـلـوب هــادي وترجـمـت

ومــن لاظـلـم نفـسـه حـشـى ماظلمـتـه

ادخـــل عـلــى الله بالـخـطـا ماتـذمـمـت

وحـــق الـعـبـاد وقـدرهــم ماهـضـمـتـه

وجــو الـصـداقـه ماسهـجـتـه ولـغـمـت

معـرض عـن الغـايـب ولاآكــل لحمـتـه

ودام امتلـك نفسـي عـن الظلـم حـرمـت

لــو كــان تجذبـنـي لشـخـص اتهـمـتـه

لبسـتـهـا ثـــوب المـنـاعـه وسـجـمــت

وارجي عسـى الجاهـل يوطـي رضمتـه

الشاعر الكبير: بدر بن عواد الحويفي الحربي