جنود المملكة يشهد لفعل اليوم ماضيها

أُهدي هذه القصيدة إلى قواتنا المسلحه ,,

سلامٍ من شذى نجد العذيه فاح بالريحان= سلام سلسبيله من زهور الورد نهديها

سلام إخلاص من شاعر يصافح خالد السلطان= سلامٍ يبلغ القوات ضابطها وجنديها

أسودٍ رزة الراية على قمة جبل دخان= جنود المملكة يشهد لفعل اليوم ماضيها

تقدم حامل الراية تقدم والعدو منهان= تقدم يالشجاع اللي رهن روحه لباريها

تقدم واطلق النيران واكسر شوكة العدوان= تقدم وأكشف أسرار عدو الله مخفيها

شهيد اليوم هو والأمس يغفر له عظيم الشأن= مع أول قطرةٍ ينزف وريده فوق أراضيها

كرامة نفس بنيادم حماية دين والأوطان= بعد من عاهده يحميه والأعراض يحميها

ولاهم والولاء لله ثم الحاكم اللي بان= أبو متعب ذرى شعبه عن الرمضى وصاليها

ملكنا خادم البيتين بعصر اليوم شأنه شان= حبيب الشعب عز العرب ونار الشر يطفيها

جيوش المملكة والأمن تميز داخل الميدان= تساندهم صقور الجو والرحمن يحميها

وسلامٍ يبلغ الخوبه ويبلغ من سكن جازان= سلام يبلغ قراها وحاضرها وباديها

وسلام يبلغ مواطن سعودي مخلصٍ ما خان= فداه اللي يخون الدار يبي يهدم مبانيها

سلام وندعي الخالق إله الأنس والأكوان= يحفظ موطن الإسلام وحرب اليوم ينهيها


17\12\1430هـ

 

 

 

 

جميل الفلاج..

شاكره لك كل الشكر على القصيده الرائعه
قصيده قمه بالروعه والجمال
صح الساااااانك اخوي
يعطيك العافيه اخوي
لك ودي احترامي..

 

 

 

 

جميل فلاج

يعطيك العافيه على القصيده

وابداعك الجميل ياجميل

وصح لسانك ياخوي

وتقبل مروري

 

 

 

 

جميل محمد الفلاج

صح الله لسانك يالغلا على هذه القصيده الجزله
ودائمآ يكون لبوحك صداه الصادق والمعبر
لك تحيتي وتقديري

 

 

 

 

 

 

 

 

ابو تركي

صح لسناك اخوي على هالقصيده الاكثر من رائعه

والوطن يستاهل وجنوده البواسل تقبل مروري وودي