واحد معصب فتح له منتدى شوف الشروطه

28-07-2009, 04:36 PM

السلالالالالالالالاموووووووو عليكووووووووو
مسااااااء الفرفشة والغربلة
واحد معصب فتح له منتدى شوفو شروووطه:

تعالوا نقرأ شروطه:

:

لقد تغيرت شروط التسجيل في المنتدى ....

وتم تغيير مسمى المنتدى لتواكب مرحلة ما بعد الحرب الباردة

اعرفوا الشروط زين....وافهموها....

واللي ما يبي هالشروط جعل اصابعه اللي طقت على الكيبورد

الكسر...

ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.

بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....

فاللي يبي يسجل معنا يوافق على الشروط من ورى خشمه ....

والشروط هي...

1- اللي يسب اي واحد من الاعضاء بنجيه وبنربط حواجبه في صدامات الهايلكوس

وبنروح ونطعس فيه باقرب طعس...

قايلكم حنا ما نلعب

2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....

وابحجز له على اقرب رحله على طياره ترش الجراد وابرقي فيه على ارتفاع 50000 الف قدم

وبرضخ به على خوص نخله...علشان ما يعود لها.....

قايلكم حنا ما نلعب

3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....

فهمتوا ولا افهمكم...

4- مسموح الذب...والذب هي كلمه اتيه من الذباب وهي فعل مضارع جمع تكسير مضارع

بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش

فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه

عشر....ايه تسعطعش...ساحتنا وحنا حرين فيها

5- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه

من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....

اشهد ان الددسن سياره... قايلكم ما نلعب...

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل

معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما

انطحن....تراي ابطحنه له....واذا فيه خير يقابلني وين ما يبي....

ملاحظه......

اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي

خششهم كلمات متقاطعه يصعب حلها.....والله ما يضرب بعصا يا سرع طيحتهم

موافق.................

غير موافق...............

واللي فيه خير يكتب غير موافق:d:d

28-07-2009, 05:03 PM

كاkakaكا

ههههههههههههههههههههههههههه

هذا مسوي فيها عربجي مهو صاحب

منتدى طرح في قمّة الفكاهه والروعه

يعطيك العافيه اخوي تقبل مروري وودي

28-07-2009, 08:44 PM

ههههههههههههههههههههه

من جد مشكلجي

هذا اذا ما لقى احد يخانقه يخانق نفسه قدام المرايه

مشكور اخوي كاكا على الفكاهة والابتسامة

تقبل مروري واحترامي

29-07-2009, 02:00 AM

خيال القضاه

للحديث بقيه

منورين الصفحه
واسعدني مروركم ,,,

تـــحـــياتــي ..

29-07-2009, 06:59 AM

خششهم كلمات متقاطعه يصعب حلها.....

هههههههههههههههههههههههههههههههههههههههههههههههههه هههه
ههههههههههههههههههههههههههههههههههههههههههه

وربي انه زاااحف شي

هههههههههههههههههه

شكــــــــــــــــــــــراً

29-07-2009, 01:45 PM

شاكر لك هذا الطرح الجميل

دام تواجد الطيب وتفاعلك المميز

لك تحيتي وتقديري

01-08-2009, 12:08 PM

خششهم كلمات متقاطعه يصعب حلها.....

هههههههههههههههههههههههههههههههههههههههههههههههههه هههه
ههههههههههههههههههههههههههههههههههههههههههه

وربي انه زاااحف شي

هههههههههههههههههه

شكــــــــــــــــــــــراً

يسعدني مرورك اختي الفدعانيهـــ