القصيدة التي جعلت الشاعر مطلق النومسي يعتذر لقبيلة عنزة

بسم الله الرحمن الرحيم

في احد امسيات الشاعر المتألق / مطلق النومسي الرشيدي في دولته الكويت قال مادحاً
قبيلة مطير ( من عاشر الدوشان ينسى الشعالين ) والدوشان واحدهم الدويش وهم امراء
قبيلة مطير والشعالين واحدهم شعلاني وهم امراء فخذ الرولة من قبائل عنزة
ولاشك ان مطير تستاهل المدح لكن هذا المدح كان على حساب الرولة من عنزة
عند ذلك هب الشاعر العملاق / خلــف المحــدى الفدعاني العنــــــزي بقصيدة نارية
موجهه للشاعر مطلق النومسي الرشيدي
بعنوان أولاد وايل عن مديحه غنيين
والقصيدة كما يلي
قال ابن محدى يوم غنى التلاحيني = صاغ المعاني يوم طاب انسجامه
شعرً على معناه مهو تفاطيـــــــــن = لاجى مجال القول نأخذ تمامــــــه
شاعروأعرف الجيم وأبعدعن ألسين = ولاأفتح مجال الهرج لاهل النمامه
شاعر نعم شاعر وأعرف المضامين = وأفهم مجالات الكلام ونغامه
وكثر الغرور يجيب للرجل شيين = عند العرب يرخص وينزل مقامه
وترى العقل بالراس والشوف بالعين = ومن ضاع عقله مايسنع قدامه
واللي تعرض يعترض للشواطين = منهاه لو طال المطاف الندامه
يصير للرماي مثل النياشين = كل عليه يقوم يطلق اسهامه
والنومسي مخطي يسب الشعالين = روس الرجال أهل ألوفاء والشهامه
النومسي مطلق غدى يسار ويمين = واللي قوله من الناس لامه
مطلق تعمد عمد والناس دارين = كرر خطأ مقصود ماهو غشامه
مطلق غلط في سب شيوخً حشيمين = بيض الوجيه محاربين الرخامه
مطلق غدى واغداه ناس مساكين = أخطأ الهدف والناس عرفت مرامه
أخطأ خطأ في حق روس المسمين = خطاه فادح واعترض للوامه
أثار له شي قديم له سنين = مدري علامه ضاع مدري علامه
طاع الضعاف وصفقوا له ضعيفين = كثيرهم مافيه عقل وفهامه
ومن طاع ضاع وضيعوه الملاعين = أهل الحسد والحقد وأهل اللئامه
واللي مرامه زين يمشي على الزين = والرجل يحفظ قيمته واحتشامه
وأن استمر الهرج ماهي تخامين = مايقبل الرجل مس الكرامه
وأذاسكــتنا يزعلون العنزتين = مسلم بشر راس الوقار وسنامه
مافيه عندي فرق مابين الاثنين = أولاد وايل كلها صف قامه
لو هو من الادنين والربع الأقصين = الوايلي مأقبل عليه انهضامه
وشعار وايل بالمواقف كــثيرين = ومن به شرف مايقبل الذل نامه
وعندي على قولي دليل وبراهين = وهرج بلا معناه عيب وسقامه
وأولاد وايل عن مديحه غنيين = رافعهم الله مارفعهم كلامه
الله خلقهم للرجوله عناوين = من خلقت الدنيا ليوم القيامه
وحنا نعز اللي علينا عزيزين = ومن يحترمنا زاد قدر احترامه
واللي يمس بشين يصبح ولاشين = حنا عمى عينه وحنا اسطامه
ربعي بني وايل بالامجاد وافين = أسود سادت وسط نجد وشامه
ربعي بني وايل اكعام المعادين = بهم افتخر ضد المعادي اكعامه
ربعي بني وايل حماة المضاعين = راس الشجاع أليا تعيوج اسقامه
يوم المغازي بالمغازي ضريرين = زبن الدخيل اللي تراجف اعظامه
يلقنون الخصم بالفعل تلقين = وحبل الرجوله ماسكين أزمامه
أسود سادت تبوج البلادين = ومكانهم في كل دار الامامه
اليوم وأيضا يوم دور المكامين = كم كافر خلوه يشهر إسلامه
لنا الفخر موروث سابق وهالحين = مبطي وتاج المجد نلبس أوسامه
ورويل كل رويل تحشم عن الشين = للمرجله هامــه ويبقون هامــــه
رويل كل رويل ماهم رديين = أهل الرجوله والكرم والفخامــــه
رويل كل رويل مليون نعميــن = الكل منهم منهج الطيب رامــــه
رويل بالأفعال مــاهم خفيين = أفعالهم نبراس مثل العلامـــه
رويل عن شك المشكك بعيدين = يابعدهم عن الردى والملامـــه
يتلون أبن شــعلان زبن المجنين = عــوق الخصيم اللي تخافه اخصامه
مقدم عموم رويل بالعسر واللين = يتلون أبــن شعــلان شيخ الجهامـه
لاثارت العليا تثور البراكيــن = عــز لأبن شعــلان درعـه احزامه
يوم العدى ضد العدى مستعدين = فيهم يخيف أعداه سلت احسامه
يوم الحرايب بالحرايب قوييــن = لانوخــــوا مايقبلون انهزامـــــــــه
من فعلهم تهتز كــل المياديــن = وأليا زعـــلـوا مثـل البحر بلتطامـه
يــوم النقــى حلوين مرين قاسين = مــاخافهـم عـلم النذر والزحـامــه
كــم فارس طشوه يــوم الأكـاوين = فيهم على جمــع المعــادى صرامـه
تركــع لهم بالكــون روس الشياطين = كــم واحــد ناخــوه عقب الفخامـــه
خــوال وأنسـاب الملــوك الشريفين = صفوة هــل العوجــى أسياد الزعامه
حكامنا أل سعــود للشعب صافين = نظــام الله لايغيــر نظــامــــــــــــه
فــي حكم عــز المملكه حامي الدين = اللي حكــم بالشرع قصر اليمامـــــه
الليث أخو نوره سعوط المجانين = سور الجزيره كان ثور عسامـــه
له صكت من صكته صكه البيــن = يرهب عدوه ماينــــــــام بمنامـــــــه
عـرب النسب نسل الملوك الميامين = يفرح به اللي جايــر الوقت ضامه
له الغلا بقلوب كل الملاييــــــن = غيث الوطن دامه لنا الله دامـــه
حامي حمانا راس مجد السلاطين = عبدالله اللي حاطنا باهتمامـــــــــــــه
وصلوا عدد منتوج خضر البساتين = على رسول الله بأخر ختامـــــه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
وعلى الفور لم يملك الشاعر / مطلق النومسي الرشيدي الا ان يقدم قصيدة استعطاف واسترحام
لفخذ الرولة من عنزة عسى ان يسمحو زلته والقصيدة كما يلي
طموحي اشوف الشعاليـن راضيـن

يـا الله يـا قابـل صـلاه المصليـن .................يا مطهر الصايم ليا احسـن صيامـه
انـك تثبتنـي علـى الحـق والديـن................وادمح خطاي بحق شيْـوخ الجهامـه
يارويل انـا مانـي بعيـل ومسكيـن.................ولانـي بليـد ولا قلـيّـل فهـامـه
انا الحصـان اللـي سبـق بالمياديـن..................وان طاح قوموا لـه ويثبـت قيامـه
اخطيت انا واسوق عذري من الحيـن..............ززواردده حـتـى نـهـار القـيـامـه
والرجل لاخطى يعتذر مابهـا شيـن............ولا تلحقونـه باعـتـذاره مـلامـه
العـذر منـي لـرجـال الموامـيـن.............وليـا قبلـوه يعـد منهـم شهـامـه
هذا اعتذاري حب رووس الشعاليـن.............وعيونهـم وخشومهـم فـي نـدامـه
من كلمةً شينـه وانـا مانـي بشيـن.........ولانـي بقاصدهـا ولكـن غشـامـه
غشامـةٍ فـي معرفـة ليـه ومنيـن..................اللـي وجـوده صـورةٍ لاانعـدامـه
والريح ما هـزت ثبـات الضلاعيـن..................والراس ما عيبـه جـرح الحجامـه
قولوا جهل قولـوا محابـل شياطيـن...............ولا تقـولـون المـذمـه مـرامـه
انا بشر يخطي مـن الحيـن للحيـن.............ولانـي نبيـا حصـن الله كـلامـه
يا تاج راسي يا مـلاذي عـن البيـن..............يا درع جنبي يـا مكـارب حزامـه
من سبكم عساه يعطى عمـى العيـن.................ياللـي غديتـوا للزعامـه عـلامـه
يا اهل الزعامه يـا كعـام المعاديـن.............مبطي والى هالحيـن كفـو للزعامـه
مـا دام عيّلكـم لا وصـل عامـيـن..........يبـداء علـى دم النشامـا فطـامـه
وليا وصل عمره وقم عشـرة سنيـن.............نوخه له المجد ورقـى فـي سنامـه
يوم الهلامه حمـل بعـض النساويـن.........بطن الرويليـه مـا حمْـل الهلامـه
تسع روله يكفـون فـي رد تسعيـن................واللـي مكذبنـي يجـرد. حسـامـه
رويل رمح المـوت مافيـه تخميـن......................زاهل السطر واهل الفخـر والفخامـه
من ضدهم بالحـرب ياسيـن ياسيـن............زان ما نشف ريقـه تراعـد عظامـه
رووس العدا مجدوعه ايسار وايميـن................والنصر بيّـن رفرفـي يـا حمامـه
وليا حدروا من نقره الجوف عجليـن..............تهابهـم نجـد وتـراجـف تهـامـه
هيباتهـم عمـت جميـع البـلاديـن....................وصاروا على خد البطـولات شامـه
حمايـه العليـا سعـوط المجانـيـن .................مشربيـن الضـد كــاس النـدامـه
يتلون ابن شعـلان نسـل السلاطيـن...........وما للعظـام الا عـروش العظامـه
صعبيـن للعايـل وللجـار سهلـيـن........والمحتـرم معهـم يزيـد احترامـه
عندي زعلهم مثـل فـوح البراكيـن...............وعندي رضاهم مثل طـش الغمامـه
اي والله ونعـم وكرامـه ونعمـيـن............وقولـه نعـم نقيـض قولـة نعامـه
من دونهم يا زيـن قطـع الشراييـن......ومن دونهم يا زيـن طـش العمامـه
صحيح ماهو صوت شاعـر وبيتيـن.......وعلي مـن يمنـاي مابـي رخامـه
ادفع رضاهم كاش ولا ادفعـه ديـن.............ولا لي طمـوح بضحكتـاً وابتسامـه
طموحي اشوف الشعاليـن راضيـن................واصغر رويلـي يحتوينـي سلامـه
بينت مـا عنـدي وجبـت البراهيـن................انـي بـري مـن النـذل واتهـامـه
كلي امل ينسى الخطاء والزعل ليـن.........تسلى القلـوب وترتفـع كـل هامـه
وارجع واقول اخطيت من خاطرا زين............والعذر امامي والا انـا مـن امامـه
وهـذا اعتـذاري لرجـال المسميـن....................واذا اقبلـواه يعـد منهـم شهـامـه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ

وسلامتكم

 

 

 

 

راعي الشعلا

شاكر لك جهودك واتمنى لك دوام التألق

لك تحيتي وتقديري

 

 

 

 

راعي الشعلا

والله ونعم بالشاعر خلف المحدى

مشكور اخوي على هالطرووحات

الرائـــعه والراقيه والجميله تسلم

اخوي وتسلم اناملك تقبل مروري وودّي