قصة الـ500 ريال والمعلمات‎

20-01-2009, 09:14 PM

هذه قصة مديرة مدرسه ذكيّه

تدور القصه حول مديرة مدرسه عزباء غابت عن المدرسه يومين ولما عادت لمدرستها قابلنها المدرسات سلامات وينك يامديره ؟
قالت لهن باركولي تزوجت .
قالن مبروك يامديره ولكن منهو زوجك ؟.
قالت لهن بصراحه زوجي هو زوج إحداكن .
المدرسات تكفين علميننا أي وحده منا ؟
قالت المديره والله ما أعلمكن .
المهم لزمن عليها فقالت لهن أنا منيب متكلمه اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسميه على الطاوله واللي آخذ خمسميتها فهي مهو زوجها واللي أخلي خمسميتها على الطاوله ولا آخذها فهو زوجها عيب علي اتزوج زوجها وآخذ بعد منها خمسميه ريال ..
وافقن المدرسات على الطريقه.
ويوم جاء بكرا وكل وحده مزهبه معها الدراهم .
جت الأوله والثانيه والثالثه والرابعه حتى العاشره والمديره تاخذ الدراهم .
يوم جت المدرسه ال 11 وبدت المديره تأفف المهم حطت الدراهم على الطاوله وقالت لها تكفين خذيها يالمديره قالت المديرة اعذريني قالت المدرسه كانها قليله حطّيت ألف بدال الخمسميه قالت المديره أووووووووووووه معليش أثرك أنتي جواهر والله اني آسفه غلطت يومٍ تنفست المدرسه وقالت الحمد لله يعني بتاخذين الفلوس المهم اخذتها المديره.
ودخلن بقية المدرسات حتى ال 23 والمديره تلعب باعصاب كل وحده منهن وفي النهايه تاخذ الخمسميه.
المهم بقي مدرسه وحده فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسه الغايبه : هاه من صار زوجها اللي متزوج المديره؟
قالن لين الحين مابين شي والمديره عيّت تاخذ الفلوس لين تحضر كل المدرسات ( يلعبن عليها بس يبنّها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوه ويوم جت تدخل شافت المدرسات كل وحده مبسوطه انها مهي هي وبدن يسمّن على المدرسه ال 24 عشان ماتنصدم ..
دخلت المدرسه الأخيره غرفة المديره وحطن باقي المدرسات ايديهن على قلوبهن وحطت المدرسه الخمسميه على الطاوله واخذتها المديرة .
يوم طلعت من عند المديره لقنّها عاديه وماصار معها شي وفلوسها أخذتها المديره.
قالن يابنات فيه وحده منكن ماخذت المديره دراهمها ؟
قالن لا والله كلنا اخذت دراهمنا .
ودخلن المدرسات على المديره وقالن اخذتي الفلوس من كل المدرسات تلعبين علينا منهو زوجك ؟
قالت المديره المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبيه والله كنت مريضه هاليومين . ولكني اطلبكن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد ..
قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا

20-01-2009, 09:20 PM

هلا بك اخوي خيال

يخوي عنوان المديره هذي وين ,, هي لحد الان ماتزووجت شيك عليها ..

يعطيك العافية على الطرح الحلوووو ,, بصراحة ,, يدفعن الخمسمية وهن يضحكن , اهم شي الحبيب مايتزوج عليها ..

تسلم اخووي ..