لاتنشغل فينـي أنـا بحالـي ادرى..!!!

صباحكم \مسائكم
ودّ و وفاء



أبيات أعجبتني من روائع
الشاعر / متعب التركي ..

.
.

لاتنشغل فينـي أنـا بحالـي ادرى

قلبٍ تعلّق فيك ينسى مع الوقـت

اكثر من اللي صارلي ويش يجرى

بين الرجا والياس فكـري تعلّقـت

مثلي ولو شفته عن همومه ازرى

ما قال ليتك في جروحه ترافقـت

هاك القصايد لا تضايقت واقـرى

شف وشكثر فيها لبسماتك اشتقت

أثر الوفا ينباع عنـدك ويشـرى

ما كنت اصدق فيك واليوم صدّقت

يا مشتهي فرقا المواليف حـذرى

تبعد وأنا من سكرة الحب مافقـت

لاطافت الفرصه تحريت الاخـرى

وتروح ماكنـي عليهـا تشوقـت

ساري لو إن الليل مافيه قمـرى

اشيل من حمل الهوى فوق ماطقت

لاصار حظ أقشر والايـام قشـرى

مافيه احد عاقل يلومك إليا ضقـت

صحيح بعض الناس فرقاه بشـرى

وبعض البشر لا غاب ليله تضايقت

ليتك خذيت بليل الاحباب مسـرى

غربت من كثر الطواري وشرّقـت

السيل يبقاله على القـاع مجـرى

ويبقالك التذكار لو كنـت فارقـت

اشوف لك من وين مارحت ذكرى

ولاشفتها صديـت عنهـا ودنقـت

ماكل جـرحٍ لاخـذا أيـام يبـرى

بعض الجروح يزيد شره مع الوقت

.
.

آتمنى أن ترتقي لـ ذائقتكم
خيــال انــثــى

 

 

 

 

سلمت يداكي على هذا النقل الرائع

كروعة حضورك المفيد

لكِ تحيتي وتقديري

 

 

 

 

تسلمي .. ع الطرح

 

 

 

 

بصـــــــــــــــــــــــــــــــراحه قصيدهـ..
حلوه ويعطيك العافيهـ... على نقلها وتسلم

هاك القصايد لا تضايقت واقـرى

شف وشكثر فيها لبسماتك اشتقت

أثر الوفا ينباع عنـدك ويشـرى
ما كنت اصدق فيك واليوم صدّقت
يا مشتهي فرقا المواليف حـذرى

تبعد وأنا من سكرة الحب مافقـت

 

 

 

 

قصيده جميله

ونقل اجمل تسلمي اختي خيال انثى


تقبلي مروري وردي