تعلم من ابو لافي هذه السلوكيات

هناك سلوكيات خاطئة في مجتمعاتنا
لذا يجب توضيح الخطأ ... ومحاولة أن أصلاحه بسلوك تربوي حضاري ...




بسم الله نبدأ ..








خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...




الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...


ثم ..


تقوله شيل الكتب .. ومرة ثانية فتح عيونك ياغبي ..




ــــــــــــــــــــــــــــــــــــ




خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...




الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد بكره ...


ثم ..


قله مرة ثانية تصير الاشارة خضراء .. تصير حمراء .. تصير زرقاء ... لا تزمر على روسنا..






ـــــــــــــــــــــــــــــــــــــــ






خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...


الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين




تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره وتطلع ..


ثم ..


قبل لاتطلع تقوله لاصارت جامعة ابوك اطرد الطلبه ..






ــــــــــــــــــــــــــــــــــــــــــ






خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..




الصحيح : تمسكه ... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ... ثم تفتحه بوجهه ...


ثم ..


تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...


ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...






ـــــــــــــــــــــــــــــــــــ






خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...


وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماراح أحلق عنده ...




الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...


ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..




ثم ..




قل بينك وبين نفسك ... مار اح أحلّق عنده ...










ـــــــــــــــــــــــــــــــــــــــــــ


خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...




الصحيح : تاخذ لك بلكّه ... وترميها عليه ... إن ضربته ... فهو خير ونعمة


وإن ماضربته ... خذ عصا .. وامسكه واجلده ...


إن صاح خير ونعمة ...


وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...


أكيد مب متحمل لمين وقت الصلاة الثانية ... وعلى مسؤوليتي بصيح ...








ـــــــــــــــــــــــــــــــــــــــــــ






خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد






الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني




ـــــــــــــــــــــــــــــــــــــــــــــ






خطأ: ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...


ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..


الصحيح : اول شي تروح تدور دريل بالبيت وبعدين تروح وتصعدله ولا تدق الباب ولا الجرس اضرب الباب بدريل لين يفتح لفتح تفرط علي كبد ابوه الكبد وتحط الدريل براسه وتخبطه براسه لحد تصيرالفتحات بجنب بعض ...






ــــــــــــــــــــــــــــــــــــــــ






خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟




الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...






ــــــــــــــــــــــــــــــــــــــــــــ






خطأ:تكتب بعد نهاية اي موضوع تكتبه في منتدى على النت: ان شاء الله ما طولت عليكم وتجلس اتأسف وكأنك مسوي جريمه




الصحيح :المفروض تكتب اقرواء وانتم ساكتين واذا طولت موضوعي وكيفي والي مو عاجبه لا يقراء




_________________




خطاء : جالس تلعب بلوت واحد يشر لخويه بغمزه وتسكت وتعديها .



الصحيح : تبغز عينه بالقلم وترفسه برجلك وتقول هذي الحركات ماتمشيها علينا .





______________________



خطاء : انك جاي تحاسب وسبقك احد وحاسب قبلك والدور لك وتقول ناس ماتستحي ولا تحترم احد .





الصحيح : تصكه بالحاسبه حقة المحل وتضربه بزيت عافيه وتقوله حبيبي لصرت خويك حاسب قبلي

 

 

 

 

أخوي ابو لا في

ربي يعطيك العافيه

تسلم يمينك ويسلم اختياارك

بس انا زعلاااااااان منك كثير ولا اسمح لك بالتهجم بالمرة

على اخوي وحبيبي بدر الشمااال <<< أوخس يالصااادق

لأنك اوردت كل خصاله الحميدة هنا

والدليل ياخوووووك شوف أثاااااااار فعله بظهري وراسي كله

نفيخااات ووجهي كله لزقااات وخربشه

انصحك بطلب اللجوء السيااااااسي وتلاحق عمرك يا بعدي

ســــــــــــــــــــــلام

 

 

 

 

اخوي ابو لافي

مشكور على الطرح القيم والمميز

لك تحيتي وتقديري

 

 

 

 

الله يعطيكم العافية
تحياتي لكم