الله لا يعطي شعوري عافيه

ياكثر ما أخطي .. وياقل مـا أصيـب=

حتى القلوب اللي هويت (( مجافيـه ))

مجروح لكن ويـن ابلقـا لـي طبيـب=

دام الجـروح اللـي شكيتـه خافـيـه

هذا الزمـان اللـي يشيّـب مايشيـب=

يا كم مـن اسبابـه شمـوع ٍ طافيـه

ان غاب عني الحـزن همـي مايغيـب=

وتبقى الليالـي بجرحهـا لـي وافيـه

اقسى الجروح اللي تجيني مـن قريـب=

تدمـع عيونـي كـل ماجـت لافـيـه

جرح ٍ يطيب وجـرح عيـا لا يطيـب=

ولاظـن علـه خافـقـي متشافـيـه

والهقوة اللي باكثر اصحابـي تخيـب=

كنـه مـع طعـون الزمـن متصافيـه

وانا فلا خابـر مسـوّي غيـر طيـب=

والا النوايـا بـفضـل ربـي صافيـه

ماعـاد لـي باللـي تمنيتـه نصيـب=

مـادام عيـن الحـظ باتـت غافـيـه

الا انت ياشعري وفـي ٍ لـي وحبيـب=

كـل مادعيتـك جيـت وزن وقافـيـه

ان جيت جبت الجزل والا مـا تجيـب=

الا رقيـقـات البـيـوت الـدافـيـه

واذا شعرت اني من احساسك غريب ..!=

الله لا يعـطـي شـعـوري عافـيـه

 

 

 

 

والهقوة اللي باكثر اصحابـي تخيـب=كنـه مـع طعـون الزمـن متصافيـه

ابدعت بهذا الطرح وهذا التواجد

فايز لك تحيتي وتقديري

 

 

 

 

احساسك راقي جداً
اشكرك

 

 

 

 

مشكورين اخوي بدر واختي بنت الحموله للمروركم