بغيت احبك ولكن ماتهيالي

شفيت مني أبشفى منك..كيف اشفى
واذا حصل لي ابشفى من حالي

معافى حبيبي سلامة قلبك الأصفى
"من زاكي الما وانا عله يورالي

ياما عطاني وقال اعطيت له واقفى
مايدري اني(.....)ولايدري بموالي

بي جن ابن كلب لايكشف ولايخفى
واليني أول جهلته وانت الاولى لي

أنا التعب وانت يالأجمل ويالأوفى
حملك تعب روح معذور من احمالي

ماقلت تكفى ولاني قايل تكفى
هذا انت غالي قريب وتبتعد غالي

الصورة بذهني تقول ارجوك لاتجفى
تاقف قبالك تجاهل تاقف قبالي

تجر حلم تأسطر فيك لين أضفى
هيبة زبيده عليها..وانكسر والي

بغيت اجنب،وعيا الطرف لايغفى
بغيت احبك ولكن ماتهيالي

وانا متعود خطاي ان حل مايرفى
تلقى اوله بس لاتبحث عن التالي

ظليت تايه واغني وانسج المنفى
وطن،وأرهن على الله ثم يافالي

لعنة بداوة واذوب بثلجها مادفى
تفرعنت بي وانا من خلقتي جالي

مشفاك؟هين انا اللي وين لي مشفى
"ومابيك يعني تحمل هم غربالي

مو من فراقك صواب الشلع من شلفا
من يد مغل بحرقة ثار قتالي

بخير أذكرك وانت لوتقتل باقول أعفى
لكن دخيلك دخيلك روح من بالي


الغريب/سليمان المانع (ابوروز)

 

 

 

 

مشاري الشميلاني..

شاكره لك كل الشكر لطرحك الراائع
ابيااات رااائعه وجميله جداً
يعطيك ربي الف عافيه اخوي
لك ودي واحترامي..

 

 

 

 

سحر

لاشلت هاليدين ولاعدمت هالطله الشامخه

تحياتي لتس