قدرك وتقديرك

قدرك وتقديرك على الراس لازال=اما الهقاوي فيك قلت شويه
وعزالله انك يافتى الجود رجال=لولا محيطك مانت راعي رديه
والحر اليا رافق مساكين ونذال=عقب السنام يصير وسط الهبيه
ماله جدا والعضد حاسد ودجال=وينك وين علومك الاوليه
حول شدادك للوطى وانت خيال=وبعد المراجل صرت سلعه خفيه
والناس تدري بالجدايد والاسمال=ذا قول ابن رشيد ملحق خويه
واللي مثل شرواك لوطال ماطال=قصت جناحينه نهار اضحويه
عزي الحالك نازلا بسفل الجال=بعد القمم منزلك بالمهمهيه
وغيرك كثير ولابها شك وجدال=من مسك الحيه حلقها عشويه
هذا وكاد العلم ياطيب الفال=من صار مثلك غاب نجمه وضيه
نتافت الاوبار منقاش وخلال=ياما اطفو النيران والنار حيه
وكم صقطو دوله وشيخان وابطال=ومن ماعتبر بالغير يصبح قفيه
ومن علق الموضوع باشكال وقوال=باكر نشوفه بين هذي وذيه
ومن ماتفقد قوته بالرخى زال=وقت القسى يموت غبن القضيه
ياصارمايميز قبل وقت الافعال=ماينفعه بالكون بر المطيه
هذا تجارب والتجارب لها حال=من ماسمعت وشفت وملي عليه
تجارب الدنيا كم الول والال=ومن ماوعاها زاد كيه وكيه
من عاد ماعده وقع بين الاهوال=واللي تمادا ماكر البين فيه

___ (( الحميدي ابن صنعاء )) ___

 

 

 

 

___تجاربك ماصار فيها جرتلي___

تجاربك ماصار فيها جرتلي=بالي هقيته بالوازم معايه
وعرفت من يفتل وينقض الفتلي=يوم البخت مرهون شلفه ورايه
اللي اضحوك يالبناخي بدتلي=من لطف قوله قلت هذا عصايه
وثريه ياخالد حريص(ن)بقتلي=ومن واقع الماقف كشفت اصدقايه
خل الرخاء بالازمه ماثبتلي=ولقيت مقصودي بقافك اشفايه
حبكتها ووجزتها وحتوتلي=كل الذي في خاطري من شقايه
يابومحمد سالفه واسلفتلي=ومنها عرفت اقداي وايضا خطايه
وعزاي نفس(ن) بالمرابي ربتلي=وظهرت فيها كل غايه وغايه
والحمد للمعبود لو ماصفتلي=يكفيني السابق عليها بندايه
منك استفدت ابكل ماكان جتلي=قبل العلاج اتجربه بالوصايه
نسيوا مواقفنا بحزت نختلي=يوم الكوالح مثل ملح النبايه
قهر الصعايب من لها يالفتلي=بعد الولي ياقل منهو رجايه
بعد التجارب قلت لو احلفتلي=مافات فيهاصار زبدت كفايه
يالسيف يابن السيف ماسانحتلي=وانت الذي بالحيل رايك مرايه
من قافكم تبينت ما خفتلي=وانت الذي شرواك يقطع ضمايه
وقوال مثلك بالمثايل زهتلي=تحذير للفهمان قبل البدايه
وشعارابن عبارياما زمتلي=لقيت خلان الرخاء هم بلايه
وخذت عبره بالبيوت ابدتلي=والطيب ماله بالرخوم حتمايه
وهب يارجلا قفايه شمتلي=يفدا هل الطولات دامه قفايه
ومنكم يابن وايل اهجوسي عنتلي=وعساك سالم من عناك وعنايه
والباهت المبهوت ماهو بهتلي=وقافك شرح صدري ولطف هوايه
وعوضتني عن كل مابه غدتلي=ومن منهلك ميزت كل اخوييايه
واللي صدفلك في طريقي نبتلي=مار احتزمت وشلت حملي ولايه
ولاني بحاسب للذي ماحسبتلي=وصفيت حسابي من رسوسن هبايه
يفداك يابن لليث قوم(ن) غزتلي=خل الرخاء مفقود مابه عبايه
مثلك لقيناهم على كل نتلي=ومعهم قطعت امحوص صامل ارشايه
ولجمت منهو في غيابي نعتلي=بمعبرد القيفان طلت المدايه
ماخفيتها قدام من ناصفتلي=ادميتهم وبديت صافي ثنايه
وبديتها قدامهم واسعفتلي=ماقلتها خفيه وراهم ارمايه
على الهواء مضمونهاوهتوتلي=قاضيتهم من حينها في صطايه
ونكست مبداهم بعد مابتلتلي=ونوختهم بالريع واشرق سمايه
وقصيدتك يخوك والله كفتلي=مار اهتويت اجدده من طنايه

___ (( الحميدي ابن صنعاء )) ___ ابوعمر

 

 

 

 

___ (( لي نيتن وحده وللبعض نيات)) ___

لي نيتن وحده وللبعض نيات=وكلا على النيه وليه كفيله
ولاني مكلف بالعقول الضعيفات=كلا علي ماقيل فكره دليله
والحمدللمعبود رب السماوات=شبحي بعيد ولاشبحة الهزيله
واللي ورايه ساق كل الملامات=بلشان والبلشان نفسه هزيله
الطيب ماترهم عليه الحيلات=ولاخضوع النفس ياللي تبيله
عزيزنفس وكل قولا له ثبات=ولاقدر المخلوق من شان كيله
اعتز بالطيب بعيد المشافات=اللي علومه بالمجالس جليله
ولاحسب احساب مروجين الرديات=واحاول عرض عن خطات الهبيله
ولاتابع اللي يبحثون الخفيات=ولاهمني ترويجهم والهميله
واللي حكا فيناعلى اقبال وقفوات=مبحت عنه مادرت حروت سبله
مالي ابترديد العلوم الهزيلات=والنقص باللي يختفي بالنثيله
للي منهجي من فوق عال الطويلات=ماني من اللي يندفع في مسيله
سقت النظر قدام يم الجزيلات=والفت والتلفيت ماني عميله
و هداج مايشبه اعدودا سميلات=والرس مكروهن اوروده قليله
مثل الردي ماله افعولا رفيعات=الاش لاش ولايحوش الجزيله
وطيبن به المنه خساره وحسرات=عيبن على الرجال يذكر جميله
ياشين طيبن كل مابه الحسافات=ياباذل المعروف ليه تحليله
خله ولاراحت من الناس شيمات=يبي يجي علمه ويظهر مثيله
وكثير من راحت عليهم جمالات=لن الجماله نوب ترجع فشيله
واللي يهاب الطيب ماله مقامات=وياكثر من نالوا علوم النفيله
وان كان صارت بالرسايل علامات=هذي اتبين بالحصان وبديله
ولاجيت للمحفل على شان شرهات=ليادعيت جيت ان كان فرصه نجيله
والا اتعذرت ان ماحصلي مجالات=ماخلي الشمات يكسب حصيله
الرجل له مبدأ على كل حزات=ماينهزع مع كل درب وخميله
ولاصاحب اللي فيه ميله وهزعات=اصحابي الوافين واهل الفضيله
اهل المكارم والظفر والصعيبات=وقو العزوم وشايلين الثقيله
ولاصاحب اهل الثرثره والحزازات=ولاكل شخص بالزوم نعنيله
ياكود من بانوا ابوقت للمهمات=زحول النشاما كاسبين الطويله
اللي بهم عن جاير البين لوذات=قهر المعادي محتمين الدبيله
ماهم من اللي فرقوا للجماعات=اللي يديهم بالمواقف بخيله
وصلاة ربي عد وبل المطيرات=على الرسول اعداد برق المخيله

___ (( الحميدي ابن صنعاء )) ___

 

 

 

 

____(( الرساله .. هيضت ماكان ))____

الرساله .. هيضت ماكان .. بالي= من قريت .. ابيوتها قافي .. نشرته
آه وعزاه . . من شين . جرالي=ورساله . . جددت . . شين . . قبرته
شفت فيها كل ماكان . احتوالي=ياذكرت الجمع والطرح . وحصرته
مالقيت ابجعبتي . . غير الهيالي=ولاكسبت . الا التعب باللي حفرته
صحبت الرديان .. مافيها مجالي=القهر .. من عرفته ساعة .. ذكرته
والرخاء مغرت(ن) في كل حالي=والخساره بعض احيان لمن ذخرته
والمواقف مالها كود . . الرجالي= النوادر. . مابهم . . شين . . عسرته
والمراجل . دربها صعب المنالي= مثل ابن نايف .. وغيره لو شهرته
له. . مزايا عدها فاق .. الخيالي= محمد . . اللي كل مافيه . . اعتبرته

___( الحميدي ابن صنعاء )___

 

 

 

 

(((اثريك ياصاحبي مغرور)))

اثريك ياصاحبي مغرور
الله يعينك على اغرورك
داخلك وش محرقه مقهور
وماضيك عادي على حضورك
طموحك اليوم ماله دور
الناس ماغرها دورك
شي بلا شي يالمرور
ماحققه فاخر اقصورك
مافات مايلحق بالشور
ولانته . ردين امقدورك
لاشك بعض الامور احدور
لاتزود الفعل من زورك
بعض السوالف شهادة زور
آمنت بالله من .. جورك
الزود نقص(ن)على المعمور
فتش اجيوبك ومصرورك
عن المظالم عليك ابنور
لاتطفي النار من بحدورك
لاطاول السابق المشهور
يغيب نجمك ومشهورك
والحمل ماهو على المثبور
ياما تغضيت عن عورك
ولانت عن الطايله مقصور
مار احسب احساب لسبورك
لاتفتش . الخافي المزرور
تموت ماقامت اشعورك
وللهرج زبده بدون قصور
راجع ضميرك ومامورك
والهلق ماله مكان احضور
لكن تحقق من اشبورك
ماكل شبرا يزيد اشبور
ونور الوفاء ينتقص نورك

__ ((الحميدي ابن صنعاء )) __