في خاطري كلمة ويمكن تبكيك

وشلون ما أحبك ولا عدت مغليك
............... وانت الدوا لإنسان دونك يعاني





و وشلون رحت وكل صوتي يناديك
............... ياهيه اسمعني ترى العمرفاني



ماقلت لك من قبل ماني مخليك
............... ياكيف تنساني وقلبك نساني؟



كتبت لك في صدر الايام ... ابغيك
............... وكتبت لي :.. خلاص غيرك خذاني



حتى جدار الصمت لو التفت فيك
............... بكيت من صمته .. وضيق الثواني



عشقت كل لحظات عمرك وماضيك
............... ومعك : عرفت ان الأماني .. أماني



وسويت لك في داخلي شي يرضيك
............... وان كان مايرضيك ؟؟ ... سويت ثاني


نزعت فرحة خاطري .. ليت تكفيك ؟
............... وزرعتها في داخلك.... ماكفاني



ضحكت لك وآنا من الحزن أسليك
............... وحبست دمعي لأجل أقدم حناني



وصديت وقت الضيق .. مابيك مابيك
............... تشوفني أضحك .. وأنا اللي أعاني



يا هالزمن تكفى - طلبتك - وأرجيك
............... لاتبخل ب وصل الحبيب الأ ناني



قد قلت له : مقدر أفارق و أحاتيك
............... وقد قلت له : ها البعد ياما كواني



لكن حسافه كل صوتن يطريك
............... ياما مع نفسي ذكرتك .... أغاني



بايديك كل اللي حصل ايه بايديك
............... بديت احسك شي ... خارج زماني



ودامك زرعت انسان غيري بأراضيك
............... فأنا ماأحب يكون غيري ..... مكاني



بتغيب ؟غيب ولكن اسمع محاكيك
............... قبل السفن تنوي بهجر المواني



في خاطري كلمة ويمكن تبكيك
............... ابيك تسمعها / . دقايق عشاني



لو الزمن يعطيك ماهوب معطيك
............. شخص يحطك بين عوج المحاني !!


م/ن
مع التحية والتقدير

 

 

 

 

متواضع..

شاكره لك كل الشكر لطرحك الراائع
ابياات راااائعه وجميله جداً
يعطيك ربي الف عافيه اخوي
لك ودي واحترامي..

 

 

 

 

ودامك زرعت انسان غيري بأراضيك
............... فأنا ماأحب يكون غيري ..... مكاني

متواضع
نقل واختيار رائع ومميز
لك تحيتي وتقديري

 

 

 

 

الأخت سحر الغرام
شاكرلك كثير الشكر
للمرور والرد
وتقبلي تحيتي وتقديري

 

 

 

 

الأخ بدر الشمال
شاكرلك روعة التواجد
وتقبل تحيتي وتقديري