هدية لأهل الشمال ...

أقدم لكم هذه القصيدة المنقولة طبعا للشاعر سلطان السرحاني
وأعجبتني جداا لما تقدمه من وصف حقيقي لأهل الشمال من مملكتنا الحبيبة ولا يهون باقي القبايل والعوائل كلهم خير وبركة ورفعة رأس .. أتمنى أن تنال إعجابكم وتحوز على رضاكم ...


قالت شمالي قلت فخر ومعزه **** أهل الكرم والعلم والحلم والباس

قالت شمالي قصدها بي تهزه*** ماتدري اني بفتخر وارفــع الراس

الحمــــــــــدلله روسنا دوم رزة *** اللي خلقنا بس نحني له الراس

صافي نسبنا والحسب فية عزة ** أصل أصيل وفصل والعرق دساس

أهل الوفاء والدين صافي منزه ** عن كل ماشاب العقيده من أدلاس

حنا الذيابه انشدي رجال غزه ** حنا هل الدنيا وللدين حــــــــراس

حنا سنايد نجد في كل حــــزه ** لا خانت حلوق الرجاجيل الأنفاس

حنا اجبال يعجز الريـــح هـــــزه ** حنا لنجد حزام وعصابة الــــــراس

نارد حياض المرجـــــلات ونلــزه ** مانمشي دروب الرذيله والأدناس

من يغلط لسانه علينــا نجــــزه ** واللي يحقر قدر الرجاجيل ينداس

منا العدو تكفيه بالعين خــــــزه ** يقضي عليه الخوف مع كل هوجاس

وان هو لقي له من علينا يــوزه ** هون له الصعبات وابليس خنــاس

مايدري انه للمهالـــــك يــــدزه ** عجل علي مبناه يمحي من الساس

يابنت حنا من نخانا نعــــــــــزه *** يأمن بنا الملهوف وتهابنـــا الناس

مرسولنا للخير دايـــــــم نكـــزه ** ولصرخة المحتاج نرخي الأكياس

تاريخنا مجـــــد لبسناه بــــــزه ** نمشي بوسط السوق ماندحم الساس

وش جاب طيرالحر لفريـخ وزه ** منهو يساوي جوهر الماس بنحاس

لاتحسبين انك لنا مــسـتفـــزه** وش ياخذ الباعوض من ريش قرناس
وتقبلوا تحياتي
م/ن

 

 

 

 

متواضع..

مهما كتبت لن أوفـــي
ومهما كتبت لن أكــفـي
فحروفـي ليست إلا نقطة مـن بحر معانيك
الله يعطيك ألف عافيه علـى طرحك الراقـي
لك منـي كـل التقدير والإحترام..

 

 

 

 

متواضع
شاكر لك هذا الأختيار

قصيده ابداعية ورائعه

لك تحيتي وتقديري

 

 

 

 

وش جاب طيرالحر لفريـخ وزه ** منهو يساوي جوهر الماس بنحاس

لاتحسبين انك لنا مــسـتفـــزه** وش ياخذ الباعوض من ريش قرناس
متواضع
اختيار جميل شكرا للك

 

 

 

 

الأخت سحر الغرام
شاكرلك مرورك
وجمال ردك زاد موضوعي جمالا
وتقبلي تحياتي وتقديري

 

 

 

 

الأخ بدر الشمال
شاكرلك ومقدر مرورك الرائع
وتقبل تحياتي وتقديري

 

 

 

 

الأخ محمد غازي
الشكر والتقديرلك لتواجدك الطيب
وتقبل تحياتي وتقديري