صحبة الهم

ياطول صبري على الايـام.. ياغلّـي
يانزف قلبي وياصبـره علـى حالـه

صار الشقا خطوتي والصبر دربٍ لي
يبرا لي الهم وآماشيـه وابـرا لـه

يقضي نهاري مع همـومٍ تبـدل لـي
ينهي عزومي ويبدا الليل وابـدا لـه

أطقهـا والبخـت مدبـر ومتـولـي
من وين ماجت تجي عوجـا وبطّالـه

اليا متى والنصيـب الزيـن متغلـي
ألمّ حزنـي وارحّـب فيـه واشتالـه

يضيق وكر المواجع وامتلـي كلـي
ومالا يشيل الصدر فاعضاي شيّالـه

عن صحبة الهم ومجارى العنا من لي
من يقسم الحمل ويناصفنـي الحالـه

لا والله إلاّ التزم بحمولي احسن لـي
ومن داه بدواه ستر جروحه اشوا لـه

بالناس شامت..ومتكسّب..ومتسلـي
ومتنٍ مهي لك.. مهي لاعباك حمّالـه

اغيب عن صاحبي..وابطي على خلي
واستفرد بضيـق نفسـي وآتفضّالـه

يامزنة الدمع هِـدّي جفنـي وهلـي
ومادامنـا لحالنـا خليـك همّـالـه

ومادام ماغير نثر الدمع حاصل لـي
خلينـي اسامـره واجــرّ مـوالـه

أحسّ حتى الحمام الِورق يبكـن لـي
ومثلي على حالتي يرثى ويبكـا لـه

حيٍّ وأنا الموت يبرالـي مثـل ظلـي
عيّنتي اللـي قِـدر يستبعـد ظلالـه

حاولت احلّ ارتباطي وارتبـك حلـي
ضاقت.. وفي شدة الضيقة من الجا له

محـدٍ يهـوّن علـيّ ولايهـون لـي
غير اللي المشتكى له والمناجى لـه

يامن تصوم البشر لرضـاه وتصلّـي
ياعالـمٍ بالسريـرة دون تِبـدا لـه

يالله عفـوك وغفرانـك لمـن زلـي
ورحماك يامن علمت بخافي احوالـه

راجيك عن لطف عطف الخلق متعلي
ومتواضعٍ لك ذليـلٍ فارفـق بحالـه
صح لسان شاعرها
راقت لي
منقول

 

 

 

 

عن صحبة الهم ومجارى العنا من لي
من يقسم الحمل ويناصفنـي الحالـه
لا والله إلاّ التزم بحمولي احسن لـي
ومن داه بدواه ستر جروحه اشوا لـه

متواضع

شاكر لك هذا النقل الرائع
قصيده تهم الجميع
لك تحيتي وتقديري

 

 

 

 

متواضع..

شاكره لك كل الشكر لروعة طرحك وجمااله
ابيات راائعه وجمييله
يعطيك ربي الف عافيه اخوي
لك ودي واحترامي..

 

 

 

 

متواضع
شـكــ وبارك الله فيك ـــرا لك ... لك مني أجمل تحية .

 

 

 

 

الأخ بدر الشمال
شاكرلك ومقدر تواجدك الطيب
وتقبل تحياتي وتقديري

 

 

 

 

الأخت سحر الغرام
شاكرلك كثير الشكر
لمرورك وردك الرائع
وتقبلي تحياتي وتقديري

 

 

 

 

الأخ محمد غازي
شكرالك هذا التواجد
وتقبل أجمل تحياتي وأعذبها