يجيني يوم وعطيها

((((( يجيني يوم وعطيها )))))



انا ما اخطيت في حقك ولكـن الكـلام عتـاب
أعاتـب والعتـب كلمـة تفسرهـا معانيـهـا

اعاتب واحسب بهرجي الا مني حكيت حسـاب
وكلمه يستحـي منهـا لسانـي يبتـدى فيهـا

واذا انت من العتب تزعل علينا وابتصك الباب
ترى ما نيب قاصدهـا ولانـي فيـك ناويهـا

ولا ودى على الفرقا وقلبـي داخلـي مرتـاب
اشوف ان الهوى خدعة واشوف القلب راضيها

واشوف ان الهوى فرقا مواليف وعناد احبـاب
واشوف ان الجفا خطوة ولاني قـادر اخطيهـا

وقلبي لو عشق يخلص ولو طالت عليه رقـاب
وتشهد له دروب الحـب حاضرهـا وماضيهـا

عشقنا والهوى حسرة،مشينـا ولاأمـل كـذاب
بدينـا نانبنـي منهـا قليـل مـن بلاويـهـا

عرفت الحب من عمري صغير بالغرام وشـاب
وقلبي للحبيب اكبـر مـن الدنيـا ومـا فيهـا

صحيح انى نويت ابعد ولكـن الهـوى غـلاب
وهي رحلة بديت بها ولا ادري كيـف بنهيهـا

تحريتك شروق الشمس وشفتك للشروق غياب
ولا اضنك تبيع العشره اللـي كنـت شاريهـا

بقى لي بالهوى نظرة وتغريبة ودمـع اهـداب
وقصة بترك لسانـك علـى العـذال يرويهـا

واناجي باقي حروفي وبألـف للفـراق كتـاب
قصايـد تملـي اوراقـي ارددهـا واغنيـهـا

واذا مرتني الذكرى وجرحي بالحشا مـا طـاب
بتبعدنـي وتدنيـنـي وببعـدهـا وابدنيـهـا

وانا عيب علي اشكي من الدنيا بدون اسبـاب
مدامي ما خذ منهـا يجينـي يـوم واعطيهـا

كما وعدتكم لشاعر حامد زيد

 

 

 

 

خوي وليد

صح لسانك ولسان

لشاعر حامد زيد

نقل رائع وراقي

تحيتي لك

 

 

 

 

عبد اللطيف

اشكرررك من اعماق قلبي

على مرورك سموك الكريم

بين كلماتي المتواضعه

لتجعل بمرور سموك تاج لي يتلاءلاء في سماء المنتدى

فلا تحرمني هذه الطلة البهية

دمت لنا بخالص الــــــود

 

 

 

 

أخوي وليد

تبهرنافب أبداعاتك التي هي في قمة الروعه

تقبل مروري ................

 

 

 

 

اخي مايبهرني مرور ســـــموك
بين كلماتي فأعجب بأنها تتحول من احرف عادية

الى كلمات تنبع من جوفها نغمات تعزف بأجمل انواع قلبها الشجيه

فلا تحرمنا طلتك الراقية

دمت لنا بخالص الـــــــــود

 

 

 

 

وليد حامد الختلان..

شاكره لك كل الشكر لروعة طرحك
كلمااات رااائعه وجميله
يعطيك العافيه اخوي
لك ودي واحترامي..

 

 

 

 

وليد الختلان
شاكر لك هذا النقل الاكثر من رائع

لك تحيتي وتقديري