حمد راح بسرعه وسئل فهد كان متنح من الصدمه كانت قويه عليه اخوانه مين نهى ومروان
طلع الدكتور
طبعا هم ماعرفوه من يكون
الدكتور:السلام عليكم
حمد:وعليكم السلام
الدكتور:معكم الدكتورا فواز انتم اهل المريضه نهى
فهد تكلم:ايه وش فيها
الدكتور :والله مدري شقولكم تفضلو معي للمكتب
راحومعه
++++++++++++++=
الدكتور: الضربه كانت قويه عليها وكانت اقوى شي على الرجل وطلع لهم صوره اشعه شوفو الظربه جت بالركبه ومن ماخل توازن الرجل كلها يعني تقريبا شهر ماراح تمشي عليها
فهد: كيف ماتمشي
الدكتور:يعني ماراح تتحرك او تدوس عليها رجلها بخير ومافيها كسور بس الركبه هي اللي فيها خلل وتعرف الركبه مكان حساس وبقولك قبل ماتتفاجاء رجلها كلها بتتجبس
فهد:ليش
الدكتور:لازم نترك الرجل قائمه مده عشان الركبه ترجع للوضع الطبيعي
فهد:لاحول ولا قوه الا بالله
الدكتور: يعني فيه بعض الكدمات والظربات بس طفيفه يعني شغله اسبوعين وهي رايحه بس مو هنا المشكله
فهد:اجل وين
الدكتور:والله احنا حاولنا اننا مانشيلها هم شي بس انا مدري كيف صحت وصرخت وشرشحت النيرس اللي معي لو ماعطيناها مهدء مدري ايش بتسوي فينا يعني الصدمه النفسيه كانت قويه شوي وتاثرت اتمنى انكم ماتحسسونها بهذا الشي
حمد كان مصدوم وضايقه فيه الدنيا كل هذا يصير بنهى بين يوم وليله توها قبل كم يوم كانت تتكلم مه كانت تخانقه حمد حس ببرود بكل اطرافه ماعاد يحس للكون اي اهميه قطع عليه هالجو فهد
فهد:طيب اخوي كان معها
الدكتور ابتسم: مروان
فهد:ايه
الدكتور:لا بخير بس هو تعرض جرح عميق ببطنه واظطرينا نعقمه ونخيطه له ومساله وقت باذن الله ويندمل الجرح بس لازم يداوم على المضادات
فهد:بس
الدكتور:هذا ايش يصير لك
فهد:مروان اخوي
الدكتور :الله يخليه لك
فهد:ايش مسوي
الدكتور:ابد بس قعدنا وقت عشان نعرف اسمه ..على فكره الوالد هنا
فهد وقف: ابوي وش فيه
الدكتور:ابدا ارتفع الظغط عليه
فهد:عارف عنهم
الدكتور :ايه
فهد: ممكن اشوفهم
الدكتور:ممكن بس اختك اذا شفتها حاول تتعامل معها بشكل عادي
فهد ماستوعب بس ماهمه همه يشوفها
فهد:حمد بتقعد هنا
حمد:اشر له كانت الصدمه ماثره عليه للحين
فهد دخل بعدالدكتور يوم شاف نهى ماقدر يمسك نفسه كان شكلها مبين فيه الالم كانت نايمه فيه جرح بوجهها قرب فهد وراح لها شاف يدها ملفوفه ثلاثه من اصابع يدهالليمنه مجروحه والجرح كان عميق شوي يعني مافي بهذيك اليدالا السبابه والابهام ورجلها كانت كلها من اولها لاخرها مجبسه وكان الجبس عريض مره من اصابعها الا نهايه فخذها طلع قلبه تقطع على اخته اللي مبين انها بتعاني من بعد هذا الحادث
راح للمروان ولقى ابوه عنده
فهد:هلا به شخبارك
ابو فهد ودمعته يعنه: تسالني
فهد:يبه الله يطول يعمرك مافي شي خطير الحمدالله كلهم بخير
ابو فهد:انت شفت نهى شفت طقتها لو ستر ربك كان مامشت الحين تدري انها ماراح تمشي شهر واحتمال المده تطول
تغيرت ملامح فهد وماحب يضايق ابوه زود
فهد:ايه شفتها مافيها شي كلها جروح وتروح
فرت من عين ابو فههد دمعه
ابو فهد: بنتي الصغيره يصير فيها كذا مسكينه ليته فيني ولا فيها
فهد:يبه انت كبيروتفهم هذا قضاء وصدقني انا تو مكلكم دكتورها وقالي كل السالفه ان رجلها مكسوره مع شوي كدمات
ابو فهد:ان شالله كذا
فهد:ان شالله التفت يشوف مروان ومبين على شكله انه منهك
فجائه مروان قام يتكلم ويصارخ ويسب
ابوفهد:مروان ابوي وش فيك
بس مروان لاحياه لمن تنادي كان يتكلم وساعه يضحك وساعه يصرخ قرب ابوه من عنده عشان يهديه بس مروان ماكان بوعيه
مروان: ابعد عني وعطى ابوه كف محترم
فهد طلع بسرعه ونادا الطبيب المسؤول
اما ابوفهد كان يبكي كف ومن مين من ولده ومن دون سبب كل الصدمات اللي تعرض لها بيوم واحد تلخصت بكم دمعه منه بس اللي مااقدر يستحمله الكف اللي جاه من مروان مهما كان السبب ولد يضرب ابوه الفكره كانت قويه مره وفوق التصديق
الطبيب عطاه مهدء:
الدكتور:لا ماعليه شر كثير من الناس يتعرضون للصدمه يرجع عليه مواقف من حياته وهو عايش فيها يعني كله من تاثير الصدمه
ابوفهد:يعني ولدي مافيه شي كان مو بوعيه صحيح
الدكتور:لا ان شالله ماعليه شر لاموبوعيه ولاتشره عليه ياخال ترى هو مايدري عنك ولا يحس باحد ان شالله على بكره بيقوم ومافيه شي
ابو فهد:طمنه كلام الدكتور
حمد طق الباب وفتحه:السلام عليكم
ابو فهد+فهد:وعليكم السلام
حمد راح للعمه وسلم عليه
حمد:الحمد الله على السلامه
ابو فهدا :الله يسلمك
ابو فهد:فهد روح للامك وعلمها وجبهاهنا
فهد:بجيبها بكره
ابو فهد: ماراح توافق
فهد :الله يعيني
حمد: عمي انا يستاذن بروح للفهده فمان الله
++++++++++++++++++++++++++
الكل عرف ام فهد دمعتها على خدها وسكر ارتفع عليها ندى صابتها حاله ذهول مو طبيعيه ساكته اما نسايم ضاق صدرها على اخوانها
+++++++++++++
اليوم الثاني:فتحت عينها بتعب لحظه انا وين هذي ندى بس ليش متغطيه لحظه من هذا وددقت النظر وعرفت انه الدكتور
نهى قامت: بسم الله ويني وش صاير
ندى:لمته بقوه وبكت طلعت حرتها
نهى:اه وش هذا وخر يعني وش فيكم ليش انا هنا
الدكتور: اختي انتي جاك حادث نهى طالعته باستغراب كبير وبعدين حطت يديها على راسها وكانت لابسه الشيله تكمنت وقال
نهى:من انت
الدكتور:انا فواز ابعالجك ان شالله
هى:وش فيني
الدكتور وهو يدخل القلم بيجي البالطو الابيض: مافيك الا الخير
طلع وانتبهت على رجلها
نهى:اااااااااااااااااااااااااااااااااااااااااااااه
فهده:دخلت كانت برى وام فهد كانت عندمروان
ام فهد:وش فيك
نهى:رجلي رجلي وش فيها
ام فهد: ....
نهى: اه يمه يمه يمه صوتي ليش متغير كان تاثير البنج على صوتها
دخل فهد
فهد: نهى هدي وانا بفهمك
نىه:وشو اهدى (بدت نوبه غضب)
فهد عرف انها ماراح يسكتها الا بهواش:
فهد: اسمعيني واجلي صراخك
نهى:وشو
فهد:قال لها كل السافه
نهى: ماراح امشي شهر شهر بقعد عاجزه(نهى نفسه عزيزه عليها يعني بجلس عاله على غيرها اذا ماقدرت تمشي وهذا كل اللي مازمها)
فهد: نهى فتره مؤقته
نهى:لال ا اي فتره كيف انا وشلون وبدت تصييييح بقوه
ندى:بس نهى حرام عليك
فهده:نهى الله يعافيك لاتصيحين
نهى كانت تبيكي وامارات الدهشه على وجهها وهي تطالع رجلها ماتحس فيها كانها مو رجلها
فهد يبيها تسكت: نهى اسكتي مروان هناك يضحك ولا جاه شي ولا صاح
نهى:مروان وينه وش فيه
فهد:مافيه شي جرح بسيط وبيطلع بكره
نهى سكتت وقعدت تطالع رجلها لانها كانت مو مصدقه
نهى بعد صمت :انا متى بطلع
فهد: تقريبا ثلاث اسابيع
نهى:ايــش
ورجعت للصياح الاان نامت+++++++++++++++++++++++++++++++
نرجع للمروان
مشعل جالس جنبه على السرير
مشعل:والله خوفتنا عليك الحمد الله على السلامه
مروان: الله يسلمك
مشعل: ياعمري صوتك ماينسمع
مروان كان يتكلم بس محد فهمه لانه البنج ماثر عليه وبالحادث تاثر لسانه شوي
+++++++++++++++++++++++++
ندى: يمه انا بنوم عند نهى وانتي اقعدي عند مروان
ام فهد:لا انت ارجعي
ندى:لا والله مرجع خلاص انا قاعده وراحت للنهى
باليل الساعه 11 نهى بدت تبكي وهي تقريبا نايمه
ندى:نهى نهى وش فيك
نهى: رجلي توجعني واناماعرف انو معلى ظهري لازم على جنبي
ندى :طيب انادي الدكتور
نهى:لا يوريني وجهه
ندى سفهتها ونادت الدكتور
الدكتورفواز: سلامات وش تحسين
نهى: انا قلت لك لاتنادينه
الدكتور:رجلك توجعك
نهى بكت بقوه وصارت تئن بسبب رجلها
الدكتور: ماانقدر نسوي شي غير اننا نعطيك مهدئات هذي فتره حرجه ولا نقدر نحرك رجلك
نهى سفهته نادى النيرس وعطتها مهدىء ونامت بسابع نومه
+++++++++++++++++++++++
البـــــــــــــــــــارت السابع والثلاثون
بعد هذا اليوم الملئ بالاحداث كلن راح للبيته
فهده رجعت للبيت وهي مره متاثره بسبب نهى راحت على طول للغرفتها وجلست تبكي وقعدت يمكن ساعتين لانها عارفه ان هالحادث يمكن يسبب خسارتها للنهى
حمد كان بغرفته وضايق خلقه مره طلع شوي يتنفس حس انه مخنوق سمع صوت صياح فهده فتح الباب حمد وقف عندالباب فهده يوم شافت ملامحة وجهه الكئيبه صاحت بزياده عن قبل
حمد:خلاص فهده ترى ماتسوى كلها كسر رجل
فهده: وشلون ماتسوي(شهقت) انت ماتدري....... تخيل اليوم جالسه عندها اكثر من خمس ساعات ماجا على بالها تكلمني ولا تسال عني
حمد:فهده انتي لازم تعذرينها
فهده:اخاف
حمد:تخافين
فهده:ايه اخاف اعذرها ولاترجع نهى الاوليه
حمد(انا ناقصك): لا انشالله بترجع بعدين يمكن ماكلكمتك الصدمه ماثره عليها
فهده:تتوقع
حمد:ماتوقع اكيد
فهده:وانت
حمد:انا شفيني
فهده:مو زعلان
حمد:الا اكيد(يبي يضيع السالفه لانه لو تكلم مايدري وش بيصير) فهده ممكن طلب
فهده:تفضل
حمد: ابيك ماتتركينها بهالظروف هي محتاجه لك
فهده: توصيني ياحمد هذي نهى لاتوصيني
حمد:طيب الحين نومي عشان بكره اوديك
فهده:طيب تصبح على خير
حمد:وانتي من اهله
طلع من الغرفه وهو مستغرب اللي بينه وبين فهده يتحسن يعني هي دائما ياطلبات ياهواش بس هالايام الحمدالله صايره عاقله
+++++++++++++
الصبح الساعه9
ندى مانامت من امس كانت مشتته نفسها ولا عرفت تنوم راحت للحمام وطلعت وصلت وقامت نهى
نهى:ندى
ندى:هلا صباح النور
نهى:كم ساعه
ندى:9 ونص
نهى:ابي اصليي
ندى هنا فععلا ابتلشت ماتدري وش تسوي ولاكيف قاطعهم دخول النيرس جايبه الفطور
ندى:طيب الحين افطري
نهى سكتت ولفت وجهها عرفت ندى انها مهي متقبله فكره انها تطلب المساعده
ندى:افطري
نهى مدت يدها اليمني اللي طبيعيا تاكل فيها لقت اصابعها مجروحه والجرح عميق يعني يوم حركت يدها حست بالم كبير
ندى خذت الملعقه:نهى كلي
نهى:مابي
ندى: ليش
نهى بحزم: قلت مابي وانا مابي احد ياكلني
++++++++++++++++++++++++++
بيت العمه لطيفه
نسايم طول الوقت ساكته ومتكدره على اخوانها وعلى حياتها
نايف:العنود ايش قلتي بموضوعنا
العنود:اي موضوع
نايف:احمد ولد عمي
العنود:هاه
نواف:بعد فيها هاه من متى وانتي تدرين انه خاطبك
العنود:موافقه بس مو قبل مااشوفه
نواف:وش رايك تتواعدون بتحليه
نايف:نواف عيب
العنود:لاجد انا مذكر شكله
نايف:طيب قومي البسي عبايتك بنمر نهى ومروان واوريك اياه
العنود:وش دخل
نواف:هو دكتور هناك يالفالحه
العنود:اها
نسايم؟:بروح معكم
نايف(اخيرا): طيب البسي عبايتك
راحو للمستشفى
+++++++++++++++
حمد يطق الباب
فهده:ادخل
حمد:قايمه
فهده:ايه
حمد:مانمتي صح
فهده تغيرت ملامح وجها
حمد:يالله انا ورامي بسياره استعجلي
+++++++++++++++++++
ندى سكتت عن نهى لانها تعرف اعند مخلوقات الله هي
++++++++
نايف:نسايم بنوديك عند نهى وبروح اوريها عريس الغفله
العنود:نايف استحي شوي تراك تحرجني
نايف:اخص والعنود صارت تنحرج والله تطور
نسايم دخلت غرفه نهى ولاخظت ان الجو متكهرب شوي
نسايم:السلام عليكم
ندى:هلا
نسايم راحت للنهى:شخبارك اليوم
نهى:الحمدالله
نسايم ماقدرت تمسك نفسها بكت كان فيه اكثر من ضغط خلاها تصيح
نهىصدت عنها
نهى:اذا جايه تصيحين عندي وفري دموعك انا مابي احد يرحمني ويصيح عندي
نسايم دخلت الحمام عارفه طبع اختها العنيد ومستحيل تقدر تجاريها
دخلت العنود:الســــــــــــــــــــــــــــــــــــــلا م عليكم
ندى:هلا والله عنود
العنود:كيفكم ياصبايا
ندى:بخير الحمدالله
العنود: هاه نهى تسيف الحال
نهى ابتسمت على رجتها:بخير
ندى:بخير لو انها بس تفطر
---------((يتبع))---------