يالسنافي واضحٍ شعري واصبه
..............صبة الميدات في ساس المباني
قلبي اللي فيه نيرانٍ تــشــبـــه
............تحرق الوردان في جوف المحاني
وصدري اللي فيه هوجاسٍ نشبه
....... نشبت القرطاس باشواك اسعداني
.المصايب كل مخلوقٍ تطبـــــه
........وتنفرج وبساع ينسى مايعــــــاني
يوم انا حظي رداته مااتشبـــه
............من صغر سني رديٍ ماعطــاني
ماقدرت ادله وجوي فيه غبه
..........مااتحصل به فرحتي لوهي ثواني
والشباب اللي بربعي مانسبه
.........يبهجون القلب خبرك وش حداني
يعلم الله كل من فيهم نحبه
..........حبك الرحمن دعوه برمضاني
صاحبك مقرود والدنيا تدبه
...........وخاطرك مجبور شاري من شراني
.........رد الشاعر قسام.......
ياهلا بقافٍ ومن شخصٍ نحبه
...............الله اللي حط حبه في كياني
قاف رجلٍ شايفٍ وقته لعبه
......شاكيٍ لي ماشكى لإي شخص ثاني
لاتلوم الوقت تر كلٍ عجبه
..............واسئل التاريخ تلقابه معاني
وقت فيه الشيخ لوبأسمه تنبه
................مايجيبك لونخيته يالفلاني
شغله بدنياه مع قرشٍ يضبه
...............والقبيله اخر هموم الاناني
وانت شايف من غفى واللي تنبه
...........كل واحد شايفٍ نفسه يعاني
والمريض اللي تعب ماجاه طبه
.........يرجي الله كل ماسمع الاذاني
وكل ماعاش الفتى عمره لربه
.......ماشكى اللوعات من هذا الزماني
ولاتعديت العجايز وارض جبه
.............لاتفوتك حبة الركن اليماني