يضيق الصدر.. لاشفتك.. حبيبي تمسح دموعـك
....................ترى مااقوى على حزنـك.. لـك الله لاتبكّينـي
حبيبي للفـرح دايـم.. ابيـك توّقـد شموعـك
....................وابا زورك.. وابفرح به.. لـو انـه مايدانينـي
وش اللي صار باحوالك.. طلبتك قول موضوعك
........................ألـى هالحـد تغلينـي.. ومــاودك تعنيّـنـي
تعال وشوفها احزانك.. بَنَت في روحي فروعك
.................هدمت افراح من شانك.. وماتـن بـي بساتينـي
حرام ارتاح في نومي.. إذا ماارتحت بهجوعـك
....................قسـم بالله مااخونـك.. مدامـك حيـل تغلينـي
تراك النور لعيونـي ..طلبتـك جـود بطلوعـك
..................أنا المجنون والتايـه.. وليـل الهـم معمينـي
ومدامك مكسف وذابل .. وزايد ياسـك وروعـك
.................أنا لامن دخلت الويـل ضايـع.. مـن يقدّينـي!
وليل من الفرح يبكي .. يبيك اتجـود برجوعـك
................وهمٍ ياتلف حالي .. كفـر بـي.. لاعببٍ فينـي
حبيبي وش تبي قلي.. أنا كلـي رهـن طوعـك
...............علامـك يابعـد عمـري.. حزيـن وماتحاكينـي
تعال وخذ من اشعاري.. تسّلا عطني سموعـك
.............وإذا ماجاز لك شعري.. حرام اتخطـه ايدينـي
تبي قلبي ترى جالك.. رحل لك ..داخل اضلوعك
............تبي روحي ..تبي فرحي.. تبي مالي.. تبي عيني
حبيبي جيتك بدمعـي.. وودي تمسـح دموعـك
....................أنـا غصّتنـي العبـره.. دخيـلـك لاتبّكيـنـي