ابي جواب ضروووري

انا في ذمتي ماشفت واحد مثل ابو جلبـاب=
حبيـب ورهيـب ولكنـه نشبـه وعـلـه
اليا منه بغى حاجه قعدلك -----على الباب=
وتكالك على حـد الرصيـف وقـال ماملـه
تصده يبتعد وان جاك مايشره وفيه اعتـاب=
لكنه اليا راح كلـه يـروح ولارجـع كلـه
يثقلها على خطو الرفيق ولايحسب حسـاب=
تشوفـه قـام يبرالـه معـاه اليـن يفتلـه
مع انه بالحقيقه صاحـبٍ لاودع الاصحـاب=
صبورٍ جسـورٍ يقضـب المعقـود ويحلـه
انا بانشد يعيبه والا عادي ياهـل الالبـاب=
ابي منكم جواب بصيغة المفتول والشلـه