ديوان الشاعرة العمانية هجير ؟!!

الشاعرة هجير

قصيدة يالجرح

شويه وتقترب مني ... أجيلك .. ليه خليتك ؟؟؟ =تنادي الليل من جمر الحنايا وانتثرت هناك
مابين إطراقة جفوني ورمش العين.. خبيتك =أخاف اللي لمح مرة .. تجيبه الذاكرة ويقراك
مساء السكر وقل لي : يروق ان قلت ناديتك؟ =ونا اللي ما قدرت أبقى ياجرحي وارحل بلياك
انا توهمت يوم إني نسيتك .. بس هنا لقيتك =وسط هالقلب لا مني .. أفل العاصفة لأقصاك
ألا يا جرحي الغاير .. تعال توغل في بيتك =هنا تلقى اللهاث اللي يبل .. رضابه التهلاك
هنا تسهيدة الغيمة نضح بي سهادها .. ليتك =رخيت أهدابها .. وجادت سوالف غيم للشباك
أبي تعرف اذا تظمى نوا وير الحشا .. رويتك =أبيها يقظتك فيني... اذا ما ترتوي تظماك
شويه وتقترب مني تجس النبض .. حسيتك =تعيث الصبح في ليلي وهذا الصمت في فوضاك
ألا يالجرح يوم انك شعلت الهم .. واطفيتك =مثل ماجيت ع الطاري تروح ونيتي فرقاك
وش اللي تشعله بقلبي سوى الأشواق ماجيتك =من الأشواق غير إني أعاتب لحظة الإدراك
تعال بشوق واتقهوى كثير الدمع من صيتك =تعلم هالخفوق اشلون يحكي الليل عن مسراك
يا حي مواجع فيني .. يا حي الجرح واغليتك =توّلم للسنين اللي نبت من صمتها... ذكراك