من اختيارات بدر الشمال

_سحاب الغرام__

لايطول غيابك خافقي مله

والرجاء فيك لاتنسى وتجفانا

أذكر الليل والمركاز والدله

وأذكر العُمر لاعدّا وخلانا

أزرع الحب واهدي لك شذى فله

وأنظر الشوق لك أشر وحيانا

ماتصورت اشيل السيف واسله

لين دار الزمان ولاح هجرانا

ياسحاب الغرام الدرب لي بلّه

بلّ درب الشقاء عجاجه اعمانا

طيفك اتخيله وأقول ذا طله

والحقيقة تقول أقفى ولا جانا

هو صحيح المحبه طبعها عله

ومن غلاتك حبيبي بعدك أشقانا

هيّن الحِمل لك والصعب لي خله

من يثق في زمان ابكى وبكانا

هاج ذاك الغرام وتلني تله

واطلب الله عن الزلات غفرانا

عادة الصقر مايهتم من ظله

والرخم نظرته في ظله احيانا

جاد حظ الليالي بالسهر كله

من عطاها تردى الشوف واردانا

لايطول غيابك خافقي مله

كن ذا الكون مايدرج به انسانا

 

 

 

 

__ عِشق شـــــــــــاعر __

قالت :متى نرتوي من حبك الطاهر

متى سحابك علينا ينحدر ماها

من لوعة العشق حالي يكسر الخاطر

وصورتي بين شِعر ونثر تلقاها

قريت ديوان خالد واعشق السامر

وروعة اباتك شِعرك مقدر أنساها

وقلت :يابنت هذي حالة الشاعر

لوهي غلاتك بحور النفس مارواها

أموت واحيا واموت بسهمك الغادر

وان جفت اشفاه سيفك دمي أسقاها

قالت :تعاتب! كفاني حظي العاثر

والفكر يمك سرى والعشق وداها

أتخيلك في حنايا شوقي الماطر

أشقيتني ليه؟عيني دمعي أعماها

وقلت :ياكيف اباري شوقك الكاسر

تستاهل الحب مِثلك لازم أهواها

أسف حبيبي ويسلم حبك النادر

لو حبي أكفان لفت روحك أحياها

عسى الزمن لايكدر عمرك الزاهر

غلاك هدّ العروق ونثّر ادماها

قفّت ودارت تناظر طرفي الساهر

وغطت نحرها وبانت بسمة اشفاها

ياهي قصيده قديمه من زمن غابر

لقيت هتان فكري جدد اصباها

 

 

 

 

__ هيام الشوق ___

تعاهدنا على صون المحبه

عهد موثوق يبقى مانخونه

ومن خانه حسابه عند ربه

طوال العمر يشكي من ظنونه

أحبه حيل واستانس بجنبه

وهو يسعد بنسمات حنونه

أدافع عنه واتكدر بسبه

هيام الشوق يغلى في عيونه

بعيد الدار واشواقي بجنبه

وطيف الحب يستعرض شجونه

أذا ماالليل جن احس غربه

ظلام الليل يذبحني سكونه

لو الفرقاء تطول والله أحبه

عذاب الحب ناسٍ مايرونه

 

 

 

 

___( الــمـاضـي )___

قالت : تحاسبني علـى وقت ماضي

والله عن الزلات سـاتر وغفـّار

اليوم صرت المتهم وانـت قاضـي

ياويل قلبك صرت قاسـي وجبــّار

حكم القدر فيني وف الغير ماضي

والله جعل بالناس طيّب وغـــدّار

الحاضر أنت وماضي العمر فاضـي

والشهم عند المقدره دوم عذّار

وقلت : بالماضي وبالجاي راضـي

ما دام لك في داخل النفس مقدار

 

 

 

 

___ (قسوة حبيب ) __

لابوك0000 لابو من ترجى حنانك

لابو زمان(ن)داسنا يوم علاك

رقيت مكان(ن)ماهو اصلا مكانك

ماطول لسانك وقُصر مدات يمناك

غدار!كيف تخون من جاء وعانك

لو النوايا تنعرف كان ماجاك

خدعتني00وغشيتني في أمانك

وعلقتني في قولتك مقدر أنساك

ياجعل روحك تنسلب من بنانك

وكا ما بالكون من شر ينصاك

ياعل ريقك مايبلل لسانك

وتموت ضامي وتحمل أوزار دنياك

عساك ماتبصر فرح في زمانك

ما عاد ابي شوفتك ياكيف طرياك

لابوك00 لابو من ترجى حنانك

لابو زمان(ن)000جادبمثال شرواك

 

 

 

 

___ ( ورق محروق ) ___

على غير عاده والليالي مطر وبروق

زرعتي زهور الكذب بارضٍ نبت فيها

على غير عاده صرت تهوى فنون البوق

هدمتي قصور الحب بعد كنت بانيها

رسمتي على الكذب ولا كنت لي اشفوق

ونبرات صوتك بينت لي خوافيها

لقيتك جسد والحب منك غدى مسروق

لقيتك ضباب وريح وسموم ترميها

بعد كل جرحٍ منك حسيت ضياع احقوق

جمعت الحطب بيدي وبيدك تشبيها

بعد كنت صاحب حق اصبحت لي محقوق

ملك الغرور وقسوتك ما تخليها

حملتك في الرحله بقايا ورق محروق

نثرتك في ارضٍ ماحد(ن)قد سكن فيها

على دربك التايه لك اثار وقع احروق

جهلتي الدروب وعلتك ما عرفتيها

تعانق هجوسي هاجس الليل عند الشوق

تناجي النجوم ونجم مره يناجيها

غلاتك تموت اليوم مثل موت اي مخلوق

وبنساك دام ان المحبه نسيتيها

 

 

 

 

___ ( مسرحية حياتي ) ___


مبروك لكِ حب الجماهير والناس

مبروك لك يامسرحية حياتي

اخاف من وصلك على الباب حراس

اصبحت فارس مثل شمس الزناتي

مابي اكون الزير يوم انت جساس

خذ البطوله وتركي لي عصاتي

ونقول تستاهل ولاباس لاباس

هاتي لنا من شِعرك الزين هاتي

نروي نهول الشعر من جم الاحساس

فايز وخاسر ما تغير صفاتي

 

 

 

 

___ ( غــــــــــريــــب ) ___

أنا مابي يمر الـوقت دام انـك معي واقـف

ولابي تنحر أشواقـي وبشواقك تعّشمنا

ولا ودي تجامِلنا وكنــك مـن غـدٍ خايـف

ولا بيني وبينك ذنب يوم انك تعذّبنا

ابي تصدق وأنا بصدق وبين أيديك أنا حالف

ولا خون المحبه وأنت لامليت علّمنا

أنا اسـف اذا مـجبورلاتحتار أنا أسـف

عسى درب السعادة لك دخيلك لاتغلّبنا

كفاني خوف من باكر وقلبـي الصامت الراجـف

تريني لوكذبت أخاف من ربي يحاسبنا

الا ياحسرتي منك اذا حبك لنا زايف

وكاد ابات مظلومك وطيفك بات ظالمنا

 

 

 

 

صــراحــــــــــة

نويت احكي لك الواقع بقصة مالها عنوان

نويت اصارحك بلي خفيته ما نعرفينه

أبرسم شئ قد شفته بدمع العين والقُلمان

عشان أوضح الصورة وبعيونك تشوفينه

أنا المجروح وأحزاني بقلبي مالها حدان

أريد أفرح معك لحظه وفرحي لا تهّدينه

وحيد(ن) في حياتي عشت لاصاحب ولا خلان

قصدتك نبع من عطفك وقلبي لا تجافينه

كلام الناس عذبني وسهمه يحرق الوجدان

رجيتك تتركين الناس والواشي تردينه

احبك قبل ماشوفك وبعد الشوف أنا ولهان

اجيرك من لهيب العشق من واجبك تسقينه

رسمتك منتهى أمالي بلا ريشه ولا فنان

كفانا منك لو نظره من عيونك تواسينه

 

 

 

 

( وصـــل وهجـــران )

المسافة طويلة والقدم بي عطيب

وعزة النفس عندك ما تناظر وراك

خطوتك ضيعتني بين تل وشعيب

وشاب راسي وباقي الرح تنشد هواك

بين وصلك وهجرانك تناقض عجيب

ودي اسمع حبيبي مرة من شِفاك

موتي أرحم ولاأصبح في عيونك غريب

سطوة الحظ ضدي وأنت واقف معاك

في خيالي وأفكاري أودي وأجيب

من حلوم الليالي صار همي لقاك

لا تحاول بدونك شمس عشقي تغيب

من عرفتك كفاني من حنانك هلاك

لاخلا يارفيق(ن) كنت يمي قريب

ساعة الضيق لو تطلبه غالي عطاك

طبعي أنا بشر أخطي ومره أصيب

لاتعجل ....عسى ربي يحقق مُناك

ما نسينا عوايدنا ولا الحب عيب

ومانع الوصل منك ما يقلل غلاك

كل واحد حقيقه له من أسمه نصيب

يكفي أسمي جريح الأمس واسمه ملاك