من اختيارات بدر الشمال

ياحبيبي دخيلك بالغلا مستجير

والله الحال من فرقاك باقي عليل

لاتكسر جناح الطير وتقول طير

كيف يصبح عزيز من هواكم ذليل

انظر البحر وتخيله مثل الغدير

مابيروي شراب البحر ضامي قتيل

نظرة من عيونك شئ عندي كثير

وان عطيتك عيوني شفتها شئ قليل

بين وصلك وهجرانك غني وفقير

كل ماقلت زان البخت عود يميل

ودي اصير لك فارس وشاعر وامير

من خيالي وآمالي وفكري هبيل

ياهناي وشقاي انت في الناس غير

من رميته بسهمك مايدور بديل

ياعذابي ترفق عشت برد وهجير

خذ من الحِمل عني حملي اصبح ثقيل

قلت برتاح وواصل رحال ومسير

مايهم العناء والدرب لوهو طويل

يانهاية مطافي جعل دنياك خير

ما يغيرجنون الدهر وافي اصيل

 

 

 

 

مركب حياتي يصارع موج الأحلامي

على ضفافك رسيت أطول لياليها

على الاورق دمع عانق دمع الأقلامي

هيج أحاسيس طول العمر ناسيها

فاكر عذابي وفاكر سالف أعوامي

محتار في النفس كيف الفكر شاقيها

طبول شوقي تحارب جرحي الدامي

خل عزيز نبيه وناس مابيها

يعصى زماني ويحداني وأنا الضامي

حتى الشفايف تبي قطرات ترويها

من فرحتي بك تجلى هم الأيامي

ولسان حالي يترجملك معانيها

ضاقت حياتي وشفت الموت قدامي

إذا تركت وصار البعد حاديها

هانت مسافات ماتحصيها الأرقامي

باقي القليل يابعد عمري وننهيها

 

 

 

 

تـعاتبني وتـرضيني وانامن دهشتي صامت

وبـخفي طـبعي الثائر بموج اشواقي الهادي

تذكرت الزمان الجاي ولانسى وقتنا الفايت

وبـنشد رحـمتك فيني وهذا طبع الاجوادي

رسمت الدرب بعيونك وبسقي وردك النابت

وعـطرك غار من طيبه ورود الفل والكادي

سـفينة حـبنا الوافي ’ في بحر الغلا عامت

بـها حلم السنين اللي نبت في ضفة الوادي

اشوفك حلم واعيشك حقيقه من ولع هامت

بـهاروحي ووجداني يسامر طيرك الشادي

توسل لك منام العين’يقول كل البشر نامت

ابـي لحظه في احظانك فديتك ياهوى ابلادي

حبيبي عفو عن ذكرك اذا وقت الصلاة قامت

اكيد اكيد مانساك كيف انسى ثرى اجدادي

 

 

 

 

مرفوض حب الوهم في كل قانون

والفرق شاسع بين حب وصداقه

حالي من التفكير صايبه طاعون

محتار في تحديدنوع العلاقه

صابر على بلواي والقلب محزون

قلب على لاماك زاد اختفاقه

اكثر عذابي منك خايف من الخون

والغدر مالي فيه يازين طاقه

والله لو همي يقسم على الكون

الكل منهم جاه تسعين عاقه

ودي بخوة ناس للعهد يوفون

وحبي لشرواكم عظيم اشياقه

في ما مضى بالغير مغرم ومفتون

واليوم حظي زان والبخت ساقه

حب الشرف والعز صافي ومامون

آما الهناء في الحب واسع نطاقه

عنيتني والقلب مازال مرهون

يرجي جوابك كان فيه اتفاقه

عطني سدود القلب والسرمكنون

مالي سوا شوفتك بين الرفاقه

وحدد مصيري منك تحديد مضمون

ترى الفرق شاسع بين حب وصداقه

 

 

 

 

سلام مني لِك عدد هل الامطار

تروي غلاتك من رفيق نصوحي

وهدي لك اشواقي تصل كل الاقطار

يا من بناله منزلا وسط روحي

آما بعد:لازلت على الهم صبار

والنفس ياخلي تصارع جروحي

يعز بعدك غير ذا فعل الاقدار

عزايه مجلس به رفيق مزوحي

لامن ذكرتك ينعش القلب الآوتار

ويلحن الذكرى بشوقٍ ينوحي

حبيبتي بالكون جاهل وشطار

وبالكون شوك وورد عطره يفوحي

حبيبتي تعبت من كثر الاسفار

مثل الغريق الي بيده يلوحي

آخذ قرار الغي قرار صرت محتار

من كثرة التفكير عقلي شحوحي

ضاقت علي الارض والجسم منها

صرخت يا ناس اتروكوني بروحي

حرام يا دنياي تصلين بالنار

خفوق ..من لجل السعادة لحوحي

من كثر مابي قلت يا معطي الاعمار

اما حياة العز ولا...تروحي

هذي حياتي يالحبيبة والاخبار

كتمت طول العمر سرٍ يبوحي

وفي النهاية :ماتكفيني الاشعار

احكي مدى ماهي تعانيه روحي

 

 

 

 

لاتعتقد وقفتي منها غرض ثاني

ماهزني لك طمع في شئ ماطوله

ياكبر حلمي وطيف الحب وداني

درب المحبة وعشب العشق من حوله

نظمت شعري وشعري مصدر احزاني

دورت لك في حنيا أشعار منقوله

يابعد عمري وبعد اهلي وخلاني

من يعرفك حب بحر الشعر ونهوله

زرعت عهد المحبة داخل اركاني

وشيدت قصر المودة من وفاء قوله

وشلون بعطي قبال الود هجراني

أصَبَح مدينه وقلبي صار له دوله

في خاطري لو مدحته صار نقصاني

ياجعل كل البشر وانا فدا زوله

لجل الغلا تنحني له ريشة الواني

لا ضاعت الصوره البرواز(وش)هوله

 

 

 

 

اهلا بوجه السّعد في في وسط مجلاسي

نوخ ركاب الغلا تقطف مراعيها

اهلا بغالي رحل يوم الدهر قاسي

في غيبتك جافت القمرا لياليها

دايم بك القلب ولهان وهوجاسي

يبي يحقق سعاده كان يرجيها

من بعد شوفتك عيني ماترى الناسي

وبالشعر لجلك كتبت احلى اغانيها

ماهقوتي بك تعذبني ولا ناسي

ان المودة تبي من هو يراعيها

عطيتك الحب نابع صافي احساسي

والروح لجلك تصارع شوق امانيها

اذا سهى الفكر عنك دار بي راسي

انا اشهد انك توّم روحي وراعيها

في شوفتك كف دمعي ونتهى باسي

والنفس ماعد تبي غيرك مخاويها

 

 

 

 

يارأس مالي وياربحي وخسراني

يامشقي الوصف من وصفه ملامحها

ياكيف بنساك يوم الناس تنساني

بان الوله من عيون الشوق فاضحها

مهما منحتك غلا بعطاي نقصاني

لو سرت حافي قدم وانهار سابحها

ارحل بفكري معك والعشق عنواني

واحلام ليلي تباري طيف ذابحها

اخاف وقتي يبدد فرحة اشجاني

واخاصم ايام عمري’ كيف اسامحها؟

ياويل قلبي اذا قفى ولاجاني

وياكبر حظي بها لو كنت رابحها

في صفحة العشق كنتي ريشة الواني

نقشت صورتك واتبسم وامازحها

وشلون اطيع الزمن والقلب يعصاني

تسري هجوسي معك والبعد جارحها

اشيل همك وهمي حيل اضناني

ومركب الود تصفق به جوانحها

يامكسبي ناظري في دفتر احزاني

تلقين نبض الحروف اشواق مانحها

 

 

 

 

قالت اكتب قصيدة حلمناشاعري

أوصف أجمل لقاء يا شاعر الملحمه

قلت وانتي معي الشِعر لي عاذري

لاتظن الشعِر هو سالفة سلهمه

لانزف حرف ودي شالبه خاطري

وادفنه في ضلوعي وانتخي الملهمه

اقتل الوقت واشكي حظي العاثري

والليالي بغيرك ظالمه ظالمه

هاجري ياطيور الشوق بي هاجري

وانثري عشق ضامي في سماالعولمه

ثورة العشق فيني ترقب السامري

ودي أوزن خُطاي وهرجتي سالمه

احتياجي لك اغلا من غلا ناظري

أعترف لك بضعفي ضعف من يفهمه

ما بي افسد لقانا شوقنا ماطري

وش يساوي لقانا و السماحالمه

 

 

 

 

لاتلوم المفارِق خافقه مستراح

ماحمل في رحاله غير كومة ورق

حلم ليله تبدد في ثنايا الصباح

والبروق استهامت يوم سِنك برق

ساهرٍ طول ليله ماتهنى مراح

في هزيع الشتاء والجسم ينزق عرق

لاتذكرعهود الحب زاد النياح

يهدي الطيب لك ياعود طيب احترق

عاند الحظ طبعه كل مازان طاح

لعنبو الحظ حتى الحلم منه سرق

ياحنايا المشاعر ياعذاب الجراح

من وصالك وهجرانك بفكره غَرق

أعذب الشوق يوصف من جنونه كفاح

وقسوة الوقت بانت يوم كفه طرق

وش بقي للمفارِق غير حبك وشاح

اشهد الله خلق زينك وربي فرق