سجل حضورك اليومي ببيت شعر ..,

انـا ماشـــير بالفـــرقا ولا احــدك عـلى المقعـاد

تخـير في طــريق الـوصـل والا درب هجـــراني

حـرام الوصـل مايجمع قـلوبٍ عـن هـواها بعـاد

وبعـض البعــد لـو عــــذب يجمـع بين خـــلاني

تحـسب ان الهوى ضحكة دقايق عشتها فميعاد

الى مارحـت تـنساها وتـنسى الوعـد وتـنساني

الا ياصاحـبي الرفـقة تـرى ماهى ثـياب إجـــداد

تـبـدلها مـتى ملـيـت وتلبـس غـيــــرها ثــــاني

 

 

 

 

ارجوك جفت دموعي لاتبكيني
يكفيني اللي من الهجران قاسيته

ياما من الدمع لأجلك هلته عيني
لوحيت طاريك غالي الدمع هليته

ماتدري انه عليك الود طاويني
وماتدري اني عليك الليل ماامسيته

ماتدري انك بنار الحب كاويني
وماتدري انه عليك الشوق غنيته

ياجارح القلب زدت الجرح جرحين
ماانصفت في القلب يوم انك توليته

ارجوك جفت دموعي لا تبكيني
يكفيني اللي من الهجران قاسيته

 

 

 

 

ليت الكلام ... يدآوي الجرح والروح
كان القصيد اللــــي نقوله .... نفعنا

إو ليتنا لا فضفض لساننا ...بـــوح
يطيب جرح (ن) غافـــيٍ يمتحنا

 

 

 

 

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

 

 

 

 

يضيق الصدر.. لاشفتك.. حبيبي تمسح دموعـك
ترى مااقوى على حزنـك.. لـك الله لاتبكّينـي

حبيبي للفـرح دايـم.. أبيـك اتوّقـد اشموعـك
وأبي أ زورك.وأبفرح به.. لـو إنـه مايدانينـي

وش إللي صار باحوالك.. طلبتك قول موضوعك
إلـى هالحـد تغلينـي .. ومــاودك تعنيّـنـي

تعال وشوفها أحزانك.. بَنَت في روحي فروعك
هدمت أفراح من شانك.. وماتـت بـي بساتينـي

حرام أرتاح في نومي.. إذا ماارتحت بهجوعـك
قسـم بالله ماخونـك.. مدامـك حيـل تغلينـي

 

 

 

 

هاتي همومك حمّليني أبيها
أبغى أشيل الهم والهم ينشال



أبغى أكون بدنيتك مهتويها
هاتي يدينك وانسي القيل والقال



إنتي حياتي .. لا .. حياتي مابيها
إلا وإنتي بوسطها في كل الاحوال



يابنت هاتي دمعتك أحتريها
أستغفر الله دمعتك (للوضو) ازلال



وان كان قصدك دنيتك إتركيها
خليني اسرح في سما الحب واختال



يالله تعالي وبسمتك إفرديها
إما نفعتك والا مانيب رجال



وكل الهموم السابقه أنكريها
واعترفي بشي ٍ وحيد ٍ لك لحال



بمسح دموعك ضيقتك إرفعيها
وجازي ليال الظلم والظلم باهمال

 

 

 

 

لا الناسُ تعرف ما أمري فتعذرني

و لا سبيل لديهم في مواساتي

 

 

 

 

ياشينها لا صرت بين اختيارين


مستقبلك ولا حبيب" توده

 

 

 

 

منت اول من يجي ومنت بآخر من يروح
ماحسبت حساب صدك ولا فكرت فيه
بان تقصيرك وشفتك معي منت بنصوح
والفراق المنتضر في عيونك تحتريه
رح معاد ابغاك لوك على الرده لحوح
مابقالي في حياتي معك شي ارتجيه

 

 

 

 

أنا ما أخطيت في حقك
ولو زدت زعل وعناد
تراني حافظ نفسي
وأداري جرح خلاني٠٠
صحيح أني أبيك بس
هذا وش نفع أو فاد
تماديت بتجريحي
( وغدرك ) حيل أشقاني٠٠
تحملتك وصار القلب
لأفعالك وطن وبلاد
وقلت فيوم تتعدل
أحاسيسك وتهواني٠٠
وأشوف أنه مع الأيام
( كذبك والغدر ) يزداد