موجهه الشيخ أنور الثامر المهيد

لـك منزلـه بقلوبنـا ونغليـك الياحـد الجنـون =يقولـه اللـي لاذكــر موقـفـك فـيـض مدمـعـه
ياصحب الفكر النقي وياراعي القلب الحنون=عنـدي كلامـن كاتمـه ياشـيـخ ليـتـك تسـمعه
ماتاهت أفكـاري ابـد لاشـك ساكـت ومغبـون=وبنتـظـر بــدرٍ الـدجـى مـتـى عليـه مطلـعـه
طال الصبر ياصاحبي والناس مثلي يرتجون=ضاقت على اللي يرتجي كل الجهات الاربعـه
جرحي سطا من هاجسي واخاف من بعض الضنون=ولايقبل الحظ التقي شهادة زور مقبعه
اخاف من هرج القفا والناس فيها يشطحون=تبين لعيون الملا ثم المطابع تطبعه
حقي على ركن الهرم براي للي يفقهون=بعض الحكي ياصاحبي سم الكبود ونجرعه
ليه الحقيقه تنكتم والناس عنها يصفحون=ركزمعي ياسيدي فواه الغضاه مشمعه
من اولِ ياصاحبي ساكت مع اللي يسكتون=واليوم ناوي لجلها ستار الحقيقه لرفعه
درب الخطا ماينقبل مهما يكون الي يكون=دروب الخطايا المهلكه سود اليالي تطلعه
لاتلحق النار الحطب الشرقي يشعمها بدون=خل العليل بعلته كثر الحكي ما ينفعه
لو قلت هونها وتهون وشلون تبغاها تهون=اللي درى بسبابها وشلون تبغي تقنعه
الناس لاتاه الدليل في نجم ثابت يقتدون=حديتني ياصاحبي يم المعاني الموجعه
استغفرالله سيدي وصلّتني حدالجنون=السبع مثلك سيدي بالصيد كفه يشبعه