الى الاخ الشميلاني موسى

المشاركة الأصلية كتبت بواسطة رحيل جديع العنزي

ياهلا مليون بمن سلم عليه =ومرسل رموزه برموز الهواوي

من ابن عيسى وردن بكارن عذيه=يامشاالله كيف ناقيهن نقاوي

بلمضحى وضح في قفره خليه=كن راعيهن عن العالم جلاوي

لالفاهن ضيف يعطيهن تحيه=يستعيد بقوته لو كان خاوي

شوفهن يلقرم طيب ومقدريه=وفعلهن فعل المخاوي لنخاوي

كسب موسى مااحتذاهن له حذيه=نعمك ونعمين بلحر النداوي

وسمهن يلقرم حروفن ابجديه=من صميم القلب يهديهن هداوي

النداوي هدته ماهي رديه=صيدته جزله وفي صيده شفاوي

يابن عيسى كل وضحك جوهريه=واضحاتن وضح ما فيهن خطاوي

البليه نوب تجلب لك دهيه = والدهيه ما وراها الا البلاوي

حكم الافكار بفكارن غنيه=وحكم الموضوع في حكم التساوي

يابن عيسى لاتطيع الوسوسيه=بلمناوي اوه ياكثر المناوي

ولاتطيع الي يدربيك بهبيه=يضحك ويعطيك السانه حلاوي

ولاتطيع الي ينصك بخطيه=احذروحذراك من اقوال غاوي

وشاعر المليون لابد من مجيه=بذن رب البيت مايقطع رجاوي

وبدل المكوابروحة صيدليه=وبعد الوجعان عن شهب المكاوي

موسى يابن عيسى ارسل لك تحيه=من صميم الذات ياالحر النداوي

الله يبيض وجهك اشهد انه (من طول الغيبات جاب الغنايم)

واشهد انك ماتجيب الا الجزايل ولاتقبل بالهزايل

اسعدني ردك الاكثر من جميل وشوقني للمرور عليه اكثر من مره

مافيك حيله استاذي الكريم