شارك ببيت شعري يبدأ بالحرف الأخير

لا والله اللي بالهـوى هوجرونـي

هجر بـه الحيـلات عيـت تسـرا

لا مبعـد عنـهـم ولا قربـونـي

ولا عايـف منهـم ولانـي مـورا

واكثر عذاب القلب يـوم سنحونـي

بيح بصبـري لـو بغيـت اتـدرا

لا ضاق صدري قمت اباري الظعون

كنـي غريـر بالدلوهـة مـضـرا

وقلبي عليه اشفق وتبكي عيونـي

والحـال مـن ود الحبيـب تبـرا

ياعزتا لي مـن تفـرق شطونـي

يعز لـي ارمـي بلسـب واتعـرا

ان مت فـي خـد بعيـد انقلونـي

غلى هـدي الزمـل مشيـه تـدرا

ان مت في دافي حشـاه ادفنونـي

في مستكن الـروح مهـوب بـرا

بين النهـود وقـد روس القـرون

عـن الهبايـب مستكـن مــذرا

ياليتهـم بالحـب مـا ولعـونـي

كان ابعـدوا عنـي بخيـر وشـرا

والا اتهـم يـوم انهـم قربـونـي

خلونـي اقضـي حاجتـي واتـدرا

وياليتهم في الدرب مـا واجهونـي

وياليتهـم مـازادو الحـر حــرا

وياليتهم عـن حاجتـي سايلونـي

يوم انـي اقعـد عندهـم واتحـرا

وياليتهـم مـن زادهـم اطعمونـي

انـا علـى زاد اليتـيـم اتـجـرا

لا قربـوا مـنـي ولا بعـدونـي

ولاميـس منهـم ولانـي مــورا

الخـد بـرق فـي غلـو المـزون

تقول بـراق مـن الصيـف سـرا

وقفـت عنـده شايحـات عيونـي

كنـي غريـر باللهاوي مـضـرا

حرف الالف