من اختيارات بدر الشمال

قصيدة جرح

جرح ....
حزن وعتاب وقصيده منهو منهم ينذبح
عشك ودروب ودلال منهو بيهم ينفضح
وألتحم وي روحي سيل وبيدك اضماد وجرح
هذا أنا ...
بعدك بديره غريبه وعين وحشه بلاصبح
وبعدك دموعي نزيف ..
اشكثر مازاد الدمع
خضر ملح
هذا أنا ..
أبجي كل وكتي عليك بصوت عالي
وشوك ياخذني المكانك ..
تعثر اجدامي جرح
بس ياجرح ..؟
وبيدي ازيح اهمومي عنك
والكه وجهك رايه بيضه
وصوت يندهني
سمح
وكتلك أبشر ... وألتهيت
وكتلي ممكن
من شفت لحظاتي سيف
وروحك
اتحومي اعله روحي بلاجنح