الموت ماهو لاانحني .. للتعب/ راس ! ..... الموت نفسك ... لانحنت / للخليقة !

تعبت انا أنثر هم قلبي على الناس ..
..... وتعبت ادور للحقيقة ....../ حقيقة !

يلعن ابوه .. شعور .... لابوه إحساس ..
..... لاجيت أسوي من جراحي / حديقة !!

شف لي طريقة لاغدى دربنا.. ياس ..!
..... تعبت انا ترديد ..( شف لي طريقة ) !!

ماعاد ياسع للحزن أي ....... كرّاس .!
....... وماعاد قلبي يحتمل ... أي ضيقة !

شفني رشفت من الغرابيل كم كاس !
..... والصبر مابلّت أمانيه .... / .. ريقه !!

أكبر مصيبة طيحة إنسان .. حسّاس !
..... تسوى بعيني .. موت كل الخليقة !!

أكذب على نفسى إذا قلت " لاباس " !
..... و" الباس " أصلا ً من زهوري رحيقة !

ياما تعبت أشحذ من عيوني .. انعاس !
..... مامر ( النووووووم) .. عيني .. دقيقة !

صعبه تشوف بعينك الحلم / ينداس ..!
..... كنّك اتطفي .. من دموعك / حريقة !

الموت ماهو لاانحني .. للتعب/ راس !
..... الموت نفسك ... لانحنت / للخليقة !

كل الدروب أشوفها / ياس في ياس !
..... سايق عليك الله ( شف لي طريقة ) !

***
.. مما لامس الأحساس..