مواصفـــــات الـــــــزوج المغازلجــــــي

مواصفات الزوج المغازلجي

1- جواله دايم عليه قفل





والموضه الجديده جوالين بقفل





2- كل ما تدقين عليه عنده ويتنق (( انتظار))

وسبحان الله في البيت جواله مايرن ابد وغالبا لانه سايلنت



3- اذا نسى جواله وهو نازل بقاله او صيدليه أو.... محل .. يجيك مداهمه زي الصاروخ علشان ياخذه



4-يفهمك انه اكثر واحد في الدنيا يستعمل الاله الحاسبه ...بس هو في الواقع يا حبيبتي يرسل مسجات



5-الفاتوره هذي حلم تشوفينها

لانه ياخذ الفاتوره من مكتب الاشتراكات مو من البريد



6- اذا جاء ينام يقفل جواله .. او بحطه تحت الوساده ..

موب علشان سواد عيونك
لاءءءء

بس خويته تغار عليه وما تبيه يغازل غيرها



7- عنده ردود استباقيه ... يعني اذا دق جواله يقول لك هذا واحد بثر مابي ارد عليه بدوووووون ما تسالينه مين !!



8- لونسى الجوال بالغلط .. و لقاك ماسكته او حتى تطالعينه بعيونك يصير يزبد ويرغي وينطح ...ووو..



9- يكون عنده ارتباط شرطي بين المسجات او الرنه ... و الطلعه من البيت!! مدري وش العلاقه بس يتعذر بعدهم باي شي علشان يطلع



10- يكلم في مواقع غريبه مجلس - حمام - مطبخ .. أستراحة جديده ..المهم يصصصصصصد



11- يعرق ويزيد نبضه وتنفسه بعد المكالمه اللي في الاماكن الصاده اللي سبق ذكرها ( يبذل مجهود )



12- فيه اسماء غريبه في جواله على سبيل المثال

ابو غاده = غاده

عنتر = عبير

محل التحليه = الي مرقمها بشارع التحليه

فتمين سيف وي = برضو بالسيف وي

انور = نوره

ابو صالح = باميلا اندرسون
المنظم = مرقمها بحيهم .. ؟؟



13- لو كنتوا على خط ونزل بقاله ولا حمام يطول اكثر من اللازم ..
يتعذر المطعم اللي اكلنا فيه لعب في حسبتي ( مغص) ؟؟؟ !!!





15- فجاءه يصير حبيب معك بدون سبب مشينا نتعشا براااا( عقدة الذنب )



16- ما يمنعك من الروحه لاي مكان ... لانه يبي الفكه يا هبله دايم يقولك روحي وسعي صدرك , روحي لاهلك , او روحي تمشي



17- دايم عنده شغل في جده .. أو في الشرقية ,,, او في عــــــــرعـــــــر
ليله وبيرجع !!



18- معد يقول لعيالكم عيالي يقوول عيالك :



19 -يروح العمل مواصل لانه سهران طول الليل في المجلس ( السابق ذكره ) يغازل



20- اذا رحتي بيت اهلك دق وقالك اذا مبسوطه مع خواتك نامي اليوم عندهم



21- يغسل ثوبه بعد الويك اند في المغسله ( فيه روج وماله وجه يغسله في البيت )



22- يشتري ساعه جديده وخاتم وممكن اذا خويته ملكعه يجيب رقم مميز و لوحه مميزه و يغير سيارته ويركب جنوط وسطبات ويراهق فجاءه



23- يسولف ويتفلسف في الامور الحريميه

حمل ولاده مكياج دوره حواجب اظافر ,, دي جي ,, طقاقات ,,وتستغربين من وين عنده هالكم من المعلومات ,, مسوي فيها ؟؟

من عندها يا حووماره



24- وممكن يطلب منك ارقام كوافيرات ولا محلات نسائيه لزوجة صديقه واذا هو وقح يطلب كروت زواجات



25- ما يحب يروح معك اماكن عامه يخااااف خوياته يشوفونه ويدرون انه متزوج

اذاوصل البيت يجلس بالسياره ساعه قبل ما يدخل تخبرون احلى المكالمه آخرها ..وان دقيتي عليه وهو برا مافي امل يرد خصوصا ان كان بالويك اند وبالليل خوفا من انك تسمعين صوت النساء من حوله.. وان رد بيرد من الحمام ..متعود على الحامات ( جرررذي) . . وطبعن كل كلامه مع اصحابه يكون بالالغاز
(رحت للرجال) ,,
واذا اخطأ قدامك قال ( الرجال يسلم عليك والرجال طلع حامل ) لان كل مواضيعهم عن بنات .. جبت الحاجة ( شفت الحاجة ) وطبعن اكيد انه طاق له شقه او بيت بالسفارات ايام عز الاسهم عشان تكون وكر الفساد ..كانه وصخ بتشوفينه مايتحمم ويحلق الا يوم الاربعا وانتي طبعن بتسالينه خير وش عندك وش ذ النظافه؟
بيقول عندي اجتماع يوم الخميس أو معزوم على زواج... تبين ارسل لك المسج تتاكدين ..وماتسمعين الا تفريش اسنان خطر يقطع لسانه من زود النظافه..اكيد بعد وراه ....؟؟؟؟؟ . بتشمين ريحة الكلونيات تفوح اكيد طبعن لصديقاته انواع التشخيص ولا انتي حاطك بمخباته علك ابو سهم يخب ( علك بطم ) .. وبعد كل سفريه فتشي شنطته شرط ان مالقيتي فياقرا وسيلست يحاول يتخانق معاك لين صار عنده ديت عشان يكون طبيعي انه مايرد عليك

الخلاصه :

اذا توفرت ( 5 ) من الشروط السابقه يمكن انتي تتوهمين بس انتبهي



اذا توفر ( 10 ) من المواصفات السابقه خافي على زوجك وابدي شكي



اذا توفرت ( 15 ) من الصفات السابقه اكيييد انه يخونك



اذا توفرت ( 20 ) من المواصفات السابقه اقطع يدي من لغاليغها اذا ما كان خاين

اذا توفرت ( 25 ) كامله ضفي شناطك وروحي بيت اهلك .... او رووحي ل عـــــــــــــــرعــــــــــــــــــــــــر ...