سحاب العشق .. !!

بقلمي المتواضع ..

سحاب العشق

حبيبي كان تغليني طلبتك يا حبيبي شي
طلبتك كان لي عندك معزه لا تخليني

امانه يا سحاب العشق امانه يا سيوف الغي
امانه يا بعد روحي تعالي كان تغليني

انا لاجلك جفيت الذات وكويت الجرح لجلك كي
وانا لجلك هجرت اللي بغاني وانت جافيني

انا عايش بهالدنيا ولاجلك يا حياتي حي
واذا ودك على الفرقى عسى الايام تبكيني

احبك والوله في داخلي يشوي عروقي شي
احبك يا بعد قلبي احبك يا بعد عيني

احبك يا دفى عمري احبك يا شموع الضي
احبك يا ربيع القلب احبك كان تدريني

احبك يا وهج كل المشاعر يا براد الفي
احبك يا قمر خمسة عشر يا كامل الزيني

نسيم الصبح يا قطر الندى يا زهرةٍ بالمي
ثلاث وصوف من بعدك تسليني وتشقيني

لمحتك في خيالي صورةٍ عذبه طوتني طي
وطويتك صفحةٍ حلوه حلاوتتها تعنيني

وعلى الحب القاكم .....